好多演員細細個就開始做戲，好似日本青春派女星飯田里穗咁，好多觀眾都睇住佢由童星長大得亭亭玉立！里穗喺小學二年級嘅時候參演電視劇《百年の物語》，之後陸續演出多部電視劇、電影以及兒童節目。長大之後，阿妹繼續發展演藝事業，並且做埋聲優，而擁有一副婀娜誘人身段嘅佢，更加毫不吝嗇身材，拍下唔少凸顯健康性感魅力嘅水着寫真。
而早已成為琦玉縣富見市PR大使嘅里穗，上年被委任做警察署一日署長，主要職務係向市民宣傳預防犯罪訊息，當日佢就喺警察署宣告就任，仲即刻上街履行職務向市民派發傳單添！如果大家想知道里穗更多新動向，就要（目及）實佢嘅Twitter，當然唔少得欣賞阿妹嘅性感自拍照，張張相都露出事業線，好吸睛！
網址：https://twitter.com/rippialoha?lang=ja
撰文：賢