對於日本人嚟講，踏入20歲呢個法定成人年齡係人生一大關口，因為代表好多事都可以自己揸主意，唔使再請求父母同意。至於踏入30歲，對於好多日本女士嚟講亦係一個重要關口，因為佢哋覺得自己唔再青春，於是今年29歲嘅梅田彩佳就決定喺30歲之前盡情將青春光芒獻畀大家。
梅田彩佳係AKB48第二期成員，後來去到NMB48發展，現時則冇隸屬於任何偶像團體，亦因為咁以自由身演出就可以更放更盡，好似今次推出首本個人寫真集《Last of Summer》，彩佳游走於東京同沖繩拍攝寫真，大家從中可以見到佢少有地換上內衣上陣，有唔少鏡頭更係半裸演出，將鮮嫩又彈手嘅胴體盡情展露，當然彩佳每個動作同表情都散發出迷人萬分嘅獨有魅力啦！
書名：《Last of Summer》
售價：約HK$208
撰文：賢