有人話正面睇巨乳雖然吸引，但係唔夠側漏咁誘人，唔知大家又點睇呢？而喺情慾字典中有唔少同Side有關嘅情色俚語，仲有好多相關嘅成人作品，當中嘅經典之作必定要一睇再睇。
本來「Side Dish」解做配菜，但喺情色俚語中佢卻有兩個意思，第一個係指當男女啪啪啪嘅時候，有個唔通氣嘅人喺旁邊觀戰，呢個電燈膽就叫做「Side Dish」；第二個意思則係指已婚男士嘅情婦，要留意呢個係貶義詞嚟，用嘅時候要小心。
而講到Side，仲有一個叫做「Side-walk Socialite」，大家又估唔估到中文直譯做行人道名媛嘅佢，其實係乜嘢意思呢？答案就係指街女喇。
大家都知性愛體位有好多種，美國就將各樣體位分類，而其中一類就係「Side-by-side Position」。顧名思義即係泛指各類側身進行嘅體位，據稱呢類體位由於男女雙方可以舒服地側臥，同時又能緊貼身體，係個唔錯嘅玩法，尤其係當中一個名為「Side Winder」嘅體位，更被性學家推崇，玩法係男女雙方面對面側臥進行活塞運動，據稱呢個體位讓男女互相凝望，同時享受到無比快感。
用得脫星嘅名字嚟做四仔片名，就知呢位脫星嘅人氣幾咁高，難怪呢套喺2006年3月推出嘅《Jenna Haze Dark Side》被視為經典作品。由片廠老闆兼四仔導演Jules Jordan執導，搵嚟Jenna Haze夥拍9位男優演出，全程玩盡各種性愛體位，場面十分瘋狂，喺2007年AVN頒獎禮中獲得最佳性愛片段獎。導演嘅功力固然非凡，而Jenna Haze同樣抵讚，事實上呢位喺1983年2月22日於加州出生嘅脫星，於2001年出道，喺AVN頒獎禮上獲得最佳新進脫星，之後每年都會喺各大頒獎禮上獲獎，至今奪得超過30個獎項，直至2013年引退，畫上完美句號。
日本AV總能滿足男人嘅性幻想，好似呢套由AV片廠Planet Plus喺2016年1月推出嘅《屏風的側邊》就係其中一部佳作。由當時叫做七原朱莉，家陣改名彩奈莉娜嘅AV女優演出，故事講述巨乳裸模喺人體寫生嘅過程中，因為肉體太誘人而令同場嘅男模特兒忍唔住同佢啪啪啪。又難怪男模特兒嘅忍耐力咁差，阿妹擁有一對39I巨乳，試問叫人點忍呢？
另外，阿妹嘅出道作《某航空會社勤務歷10年！！》，唔係用藝名七原朱莉，又唔係用彩奈莉娜，而係叫星野翼，真係好混亂呀！
撰文：魂