最近日本有公司為一個屁股抱枕進行眾籌，據稱按等身大臀部設計而成，極具療愈作用。不過對於男士嚟講，最過癮嘅宅物莫過於由日本AV片廠Muteki，為三上悠亞同高橋聖子推出嘅滑鼠墊咁吸引喇！
日本AV名廠Muteki為慶祝成立10周年，唔單止進行大型抽獎遊戲，仲推出「三上悠亞 × 高橋聖子」嘅活動，除咗搵兩位AV界天后拍宣傳片，仲為兩人推出等身大激凸巨乳滑鼠墊。如果有留意開日本嘅ACGN產品嘅話，就知道呢種激凸滑鼠墊嘅賣點，在於滑鼠墊上嘅雙峰係凸出嚟，而呢個以等身大製造嘅滑鼠墊，唔單止百分之百還原兩位女優嘅靚樣，更將三上悠亞嘅33F巨乳同高橋聖子嘅35G巨乳忠實地呈現。據悠亞同聖子表示，滑鼠墊嘅巨乳手感同搓波仔嘅感覺差唔多，講到呢度係咪想擁有？呢兩個滑鼠墊現於日本網站FANZA發售，每個售價29,800日圓（約2,056港元），預計明年1月下旬發貨，粉絲們快啲搶購啦喂！
日本嘅古怪產品有好多，最近就有個名為「The Buttress Pillow」（バットレスピロー）嘅產品喺網上進行眾籌。據研發呢個屁股形抱枕嘅日本公司Buttress Pillow事務局稱，呢個用全天然乳膠製作嘅抱枕，不但設計符合人體工學，使用者平瞓、側瞓同趴喺度瞓都咁舒服之餘，最重要係佢可以令使用者有種瞓喺真人屁股上嘅感覺，另外可以當藝術品咁睇、心情唔好時可以打佢嚟發洩情緒、當公仔咁攬住佢嚟瞓等，從而達到情緒放鬆嘅效果。最初公司嘅目標係喺明年1月底前籌到50萬日圓，而現在眾籌金額已超過目標近4倍，睇嚟呢個「股」惑抱枕真係好有市場呀！
日本性教育節目《告訴我！性的天神》（教えて！性の神さま）最近總結咗5個最多日本少年煩惱嘅性問題，第一：避孕藥同安全套邊個好啲？專家指出兩者都有一定避孕失敗率，但安全套卻能避免感染性病，因此相對會好啲；第二：兵器較大女伴會更爽？專家話冇醫學證明呢個講法，而AV男優因要專業演出，兵器較常人大啲並唔出奇；第三：我應該處理包莖問題嗎？原來日本有約7成男士係假性包莖，專家話平時只要留意衞生就得；第四：早洩點算？專家話對女性嚟講快唔一定係壞事，如果自覺有早洩問題可以去問醫生；第五：大力自娛至可以發射係咪有問題？專家認為應該唔好過度刺激兵器。
另外冇入選嘅有趣問題包括：過度自娛會否長唔高、會唔會變蠢等，真係幾有趣。
撰文：魂