身體接觸具有傳遞情感嘅作用，好似情侶間嘅拖手、朋友間嘅搭膊頭等。而今次有位男網民就話佢遇到個鍾意摸大髀嘅女同事，對方樣貌一般，但係身材相當火辣，尤其係着低胸衫時，可謂波濤「胸」湧。佢話：「平時已經發覺佢好鍾意烏低身同我講嘢，對燈真係好誘人，後嚟發覺佢好鍾意摸我大髀，我正值血氣方剛，有幾次畀佢摸到有反應，夜晚返到屋企個心囉囉攣瞓唔着，其實佢係咪想勾引我呢？」
吹長笛街童：我覺得你諗多咗喇，呢個世界邊有啲女咁主動(口架)，起碼我就未遇過。人哋着低胸衫係佢嘅自由，又唔一定係為咗畀你睇，摸大髀可能係佢性格開放，你都係咪淫蟲上腦喇！
Rockman C：呢種豪放嘅女同事，真係可遇不可求呀！我覺得你可以試吓約佢去街，睇吓佢有乜嘢反應，理由可以用傾公事。如果佢出到嚟真係只傾公事，咁即係你諗多咗，同時你亦唔使咁尷尬嘛。
儲錢起樓：我覺得係你嘅性幻想嚟，你個女同事都冇同你表達過啲乜，可能連佢自己都唔知，原來摸住你大髀講嘢，竟然會令你有咁多聯想。不過睇番你嘅反應，睇你都係想搵炮友而唔係女友。
好負責任咁講：摸大髀咁親密嘅接觸，真係只有女朋友先至會做，同事又點會咁做呢？我覺得佢應該對你有一定嘅意思，只係睇吓你嘅反應係點。你試吓追佢啦，應該會有好下場嘅。
撰文：魂