日本嘅後宮系ACGN作品數量極多，當中人氣作品亦有唔少，好似多次被動漫化嘅《惡魔高校D×D》就係其中之一。呢套作品貫徹後宮系嘅特色，除咗女角色數量勁多外，更不乏巨乳尤物，難怪大受粉絲歡迎，尤其當中嘅巨乳女郎姬島朱乃，更成為超人氣女角色。呢個最新登場嘅姬島朱乃模型，以相當有新鮮感嘅浴衣造型登場，而呢個造型係嚟自今年4月於日本電視台播放嘅第4季動畫《惡魔高校D×D HERO》，粉絲點可以唔捧場呢！
除咗浴衣造型夠新鮮外，模型亦貫徹《惡魔高校》系列嘅風格，露出度相當高，而作為巨乳女郎嘅姬島，模型最大嘅賣點梗係一對激凸嘅雙峰上，渾圓得嚟分量十足嘅車頭燈，本嚟已經夠晒養眼，加上中門大開嘅浴衣，令大家嘅目光停留喺心口度。不過大家又唔好因為對燈而忽略模型另一個吸睛位，就係一對迷人美腿。呢對比例啱啱好兼且相當修長嘅美腿，無論任何角度去睇都相當迷人。此外，以浴衣造型示人嘅姬島，仲有一個神秘又性感嘅地帶等位大家發現，唔知大家又估唔估到係邊度呢？
撰文：魂