雖然Bella French稱唔上一位出色脫星,但係佢有偈兼食腦,而且敢作敢為,家陣經已係一位過億身家嘅脫星兼成人網站「ManyVids」嘅老闆娘喇!咁有錢仲落床砌?當然唔係為興趣啦,查實Bella姐係想為人民發聲,早喺佢加入脫星界時已係一位不折不扣嘅平權分子,亦因為佢不畏強權,所以獲得唔少人支持。咪以為Bella姐只係一名假面假奶中女脫星,事實上佢係讀營銷及物流管理出身,覺得返朝九晚五嘅工作太沉悶,先決定做脫星咋!2014年Bella同朋友創立色情視頻網站「ManyVids」,當時阿姐擔任首席執行官CEO兼任埋CFO個位,連數都管埋,犀利!更巴閉係據監控商業網站流量公司報告顯示,「ManyVids」係世界排名第一嘅成人視頻網站。