西部四仔掀起熱潮

早前美國成人影片網站Pornhub發表咗個數據,話每逢有電玩大作推出,都會令網站嘅瀏覽量銳減,但係凡事總有例外,好似最近以西部牛仔為主題嘅電玩勁作推出,非但冇令鹹網瀏覽量減少,反而掀起一股西部四仔熱潮,究竟呢股西部風吹得有幾咁勁呢?

女牛仔瘋狂策騎

美國遊戲開發商Rockstar Games嘅大作《Red Dead Redemption 2》於上個月26日開售3日,已獲超過7億2,500萬美元嘅全球銷售額,相當厲害!至於佢同成人界又有乜嘢關係呢?驟眼睇呢隻以西部牛仔為背景嘅遊戲,好似同成人界冇乜關係噃!但係成人影片網站Pornhub就話畀大家知,兩者絕對有關係!早前佢發表咗網站嘅最新搜尋數據,發現喺遊戲發售日前,以「Red Dead Redemption 2」為搜尋字句喺網站內進行搜尋嘅數量不斷提升,及後搜尋量更係激增百分之七十三!另一個鹹片網站YouPorn嘅搜尋量亦一樣,較之前相比更係增加咗百分之八十五。

此外,遊戲嘅西部風亦影響四仔迷搵片睇嘅習慣,事關喺遊戲發售日後,發現「Cowboy」(牛仔)、「Wild West」(荒蠻的西部)同「Western」(西部)呢啲同美國西部有關嘅四仔搜尋量,分別增加咗189%、745%同489%,其中一套令四仔迷最感興趣嘅四仔,莫過於由四仔片廠Wicked Pictures喺2015年推出嘅《Wanted》,故事講述脫星化身Cowgirl同猛男瘋狂策騎,喺2016年AVN頒獎禮中獲得最佳劇情同最佳音樂獎,難怪四仔迷睇得咁興奮。

SOD女優垃圾桶

出名識得搞品牌宣傳嘅日本AV片廠SOD,繼2016年推出「萌萌語音圾垃桶」(萌える•萌えない•ビンカンゴミ箱)後,時隔兩年,早前喺涉谷商場Club Asia嘅停車場舉行名為「超環保三神器」(エコすぎる三種の神器)嘅清潔宣傳活動。所謂三神器,就係免費派發嘅安全套造型垃圾袋、會因應開合度而發出「太大喇」、「好細呀」等聲音嘅垃圾夾,以及最具話題性嘅升級版「萌萌語音圾垃桶」。呢個升級版垃圾桶同普通版嘅分別,在於垃圾桶唔單止會因應丟入嘅垃圾大小而發出唔同嘅語音,垃圾桶上更安裝咗小型屏幕,讓身穿泳衣嘅AV女優對住你做反應兼講嘢。

垃圾桶分為3種,分別係粉紅色嘅可燃垃圾桶、藍色嘅不可燃垃圾桶,以及黃色嘅瓶罐垃圾桶。每次丟垃圾到粉紅色垃圾桶會時,會聽到戶田真琴或本庄鈴講:「抱歉呀」、「好大呀!」等說話,藍色垃圾桶則會聽到小倉由菜或唯井真尋講:「你丟得啱嗎?」、「你個垃圾衰人!」黃色垃圾桶就會聽到小泉日向或野野原薺講:「多啲吖!」、「唔好意思哦」等之餘,垃圾桶仲會發光添!可惜活動僅舉行一日,想再體驗惟有等下年喇。

近4成英女討厭呢招

性愛體位有好多種,而性愛專家亦經常為大家推介邊啲體位最能令女性興奮,之但係有種體位卻有近4成英國女士覺得討厭,就係背向騎乘(Reverse Cowgirl),玩法係女士背向男士進行策騎。據英國《每日星報》訪問咗1,111名英國女性後發現,當中有百分之三十九受訪女性表示討厭呢種體位,理由係背向男士策騎感到尷尬。雖然有唔少性學專家指呢個體位可充分刺激G點,更易獲得高潮,但係受訪女士就話即使容易到達高潮,都唔鍾意呢種玩法。

至於最受女性歡迎嘅體位係乜呢?有澳洲安全套品牌最近訪問咗2,827名18至34歲嘅女士,當中有百分之三十嘅受訪者表示,佢哋最愛嘅體位係極之普遍性嘅傳教士式。據性學專家解釋,得出呢個結果嘅原因,係因為女性可以透過呢個體位獲得更多樂趣,同時又可以讓佢哋喺同伴侶嘅接觸中,得到親密無間嘅感覺。

撰文:魂