作為一個普通AV迷，睇AV梗係欣賞女優嘅身材同床技，但係對於專業AV迷嚟講，就會多留意片中嘅畫面同一班綠葉演員，最近就有AV專家發現有部AV片嘅街景嚴重地加咗模糊效果，搞到冇晒嘢睇！另外，有AV導演力撐一班綠葉女戰鬥員，究竟係點解呢？
唔知大家有冇留意一啲有外景場面嘅AV，男女主角背後嘅環境好多時都被打格或模糊化呢？咁做嘅原因，係因為曾經有被AV攝製隊攝入鏡頭嘅商店，喺AV推出後成為網絡話題，同時變成AV迷嘅觀光「性」地，令商店老闆感到相當困擾，於是作出投訴。AV片廠為免惹麻煩，於是將片中出現嘅商店及廣告招牌等統統打格遮蔽。
最近日本AV專家AkeMin喺Twitter表示，發現有部新作品卻遮蔽得相當嚴重。事緣佢發現由Alice Japan製作，並由AV女優川上奈奈美演出嘅作品《即使我有沒有做》中，將外景背景模糊化得超誇張。從上載嘅兩張截圖嚟睇，川上奈奈美同男優只剩低個頭同半截身體，其他地方都加上遮蔽效果，感覺就好似嗰啲專供遊客影相嘅露頭公仔板一樣。日本網民見到呢個咁奇怪嘅畫面，有人認為應該係冇得到商店拍攝許可關係，避免麻煩嘅做法，亦有人覺得點解片廠唔索性將呢個畫面剪走。不過姑勿論如何，呢種做法真係幾影響觀賞性囉。
日本AV題材五花八門，其中一種係特攝系作品，當AV迷嘅焦點集中女戰隊員被宇宙惡魔凌辱時，大家又有冇留意片中經常集體出現又被瞬間打倒嘅一眾邪惡女嘍囉呢？呢班女嘍囉正式名稱叫做女戰鬥員，對執導特攝系AV多年，現為日本AV片廠GIGA導演嘅宇那月，就一直十分重視呢班喺AV中默默耕耘嘅女戰鬥員。佢認為如果冇佢哋嘅出現，就會令成套特攝AV片失色不少，因為佢哋嘅演出唔單止列陣咁簡單，仲要打鬥、扮死及匿喺草叢度餵蚊等導演嗌Action，所以佢經常喺Twitter上分享呢班女葉嘅點滴，最近更上載咗一輯一班女戰鬥員嘅拍攝工作情況。
唔講唔知，雖然呢班女嘍囉出場嘅時間唔多，但係佢哋相當專業，每個都飛釘上陣，務求每刻都保持畫面觀賞性，而佢哋為咗配合裝扮，仲會油到對眼圈黑晒，名副其實為AV而犧牲。據宇那月嘅介紹稱，飾演呢啲女戰鬥員其實唔係AV女優，一般都係自由演員擔任，只有出現女戰鬥員啪啪啪嘅劇情，先至會由AV女優或素人女優擔當。
大家有冇數過自己有過幾多個性伴侶呢？最近英國嘅調查網站「On Average」就發表咗關於性伴侶人數調查，佢哋綜合咗大量嘅數據後，發現性伴侶平均數為9.8個，當中男性係略高於9，女性則係略低於9，數量上英國男女嘅性伴侶數量差唔多。不過大家唔好畀9呢個數字嚇親，因為據調查網站表示，全球性伴侶嘅平均數都係9位，換言之英國男女嘅性伴侶數量其實並唔多。
話時話，9位性伴侶只係全球嘅平均數，如果細分嘅話，全球性伴侶人數最多嘅係土耳其，佢哋嘅平均性伴侶人數為14.5位，而最少嘅則係印度，平均只有3位。調查又發現喺幾乎所有被調查嘅國家中，男士嘅性伴侶人數都比女性為多，唯獨新西蘭係相反，女士嘅性伴侶數量多於男士。
至於發生第一次嘅年齡，英國男女平均喺18.3歲時發生，當中女士發生第一次嘅年齡會比男士為輕。反觀亞洲國家，發生第一次嘅年齡平均喺20歲以上。
撰文：魂