「騷」者，「Show」也。每當講起睇Show，唔少人總會聯想起演唱會呢類舞台演出，而喺情色世界中，Show又點止呢類表演呢？喺四仔界不但有相關嘅經典之作，日本AV界亦有極具分量嘅作品，當然唔少得同佢有關嘅情色俚語啦！
「Sex Show」嘅中文相信唔使多解釋，意思係色情演出，但凡所有脫衣舞、真人騷等演出，全部都歸於此類。講起「Sex Show」，絕對不得不提荷蘭嘅實況成人性愛演出劇院，當中以Casa Rosso最為著名。呢間位於荷蘭阿姆斯特丹嘅成人劇院，早喺1969年由Zwarte Joop創辦，最初佢只係作為一間賭場嘅一部分，喺1983年12月16日發生火災後，就搬到現今位置重建，並以成人演出為業務核心。雖然喺2008年1月被阿姆斯特丹市議會勒令停業，但其後仍取得許可證繼續經營。真人演出以4至5段為一組，每段表演為時約15分鐘，演出項目各類型都有，透過旋轉舞台可以讓台下觀眾睇得更加清楚。除咗之外，當地另一間成人劇院Bananenbar亦同樣出名。
如果話妓院嘅英文係「Brothel」嘅話，咁「Show House」又係乜嘢意思呢？答案亦都係妓院，佢同Brothel嘅分別在於後者係女性性服務工作者工作嘅場所，Show House則係指男性性服務工作嘅場所，簡單嚟講即係男妓院。
講起男妓院，其實喺中國歷史上早已存在，而最早關於男妓嘅記載，見於宋朝朱彧著作《萍洲可談》中寫道宋徽宗曾因男娼盛行而立法：「男為娼，杖一百，告者賞錢五十貫。」元朝時雖沒落，但到明朝時卻又再盛行，並出現名為「象姑館」嘅男妓院，至萬曆時期（公元1573年至1620年）最為鼎盛，呢種風氣更係延續到清朝，及至民國時期仍屢禁不止。當時嘅男妓工作同現今幾乎一樣，而當中亦有種賣藝不賣身嘅男妓，佢哋嘅命運跟同樣賣藝不賣身嘅名妓差得多。
華麗歌舞片唔一定係荷里活電影至有，美國四仔同樣有套華麗嘅歌舞荒淫作，就係由美國四仔片廠Wicked Pictures喺2011年4月推出嘅《The Rocki Whore Picture Show: A Hardcore Parody》，以惡搞喺1975年上映嘅歌舞電影《The Rocky Horror Picture Show》為藍本，由四仔名導兼著名男優Brad Armstrong自編自導自演，更搵嚟老婆兼天后級脫星Jessica Drake主演，夥拍Kaylani Lei、Kirsten Price、Alektra Blue、Nikki Daniels等20多位男女脫星演出，加上群體大亂鬥嘅荒淫啪啪啪場面，打造出呢套既係惡搞，卻又極高質素嘅四仔經典。
故事講述一對年輕戀人，喺一場風雨夜中因汽車拋錨而去到附近一間古老大屋求助，卻被由Brad Armstrong飾演Freddie嘅古怪主人所困惑，同時被屋內瀰漫嘅淫亂氣息所吸引。而Brad Armstrong喺2012年AVN頒獎禮上獲得最佳導演，同時呢部四仔奪得最佳編劇、最佳性愛演出、最佳化妝、最佳美術指導、最佳非性愛演出等多個獎項，又橫掃同年舉行嘅XBIX同XRCO四仔頒獎禮最佳惡搞四仔，認真厲害！
有人稱巨乳係AV界嘅王道，呢點相信獲得唔少AV迷認同，事關分量十足兼激凸嘅車頭燈，絕對係未入正題已能畀到AV迷極大嘅視覺享受，難怪呢套由日本AV片廠Rebecca喺去年6月推出嘅《Mami 麻美的Sexy Show Time》，至令仍相當高人氣。麻美係著名嘅前水着女優長瀬麻美，憑住靚樣成名，一對37H巨乳更係超級有分量。話明係「Show Time」，麻美將佢嘅天賦本錢盡情展露，從咪咪打頭到夾腸仔，最後嚟個事業線發射升空，對胸奴迷嚟講絕對收貨！
講番呢位巨乳女優，喺1992年6月6日於日本青森縣出生嘅佢，2009年以藝名水谷彩也加登陸水着界，2012年4月1日宣布改用現時藝名。呢段時間大家發現佢愈剝愈多，有人猜測佢可能會加入AV界，話口未完，佢就以AV片廠Alice Japan專屬女優身份拍AV，推出處女作《最強寫真女優降臨》，當時引起一陣哄動，皆因唔少男士一直期待欣賞佢嘅床上演出，難怪會如此興奮。
撰文：魂