日本動畫《宇宙戰艦大和號》喺70年代曾經風行一時，而呢套經典作品喺2013年4月被重新啟動並推出名為《宇宙戰艦大和號2199》嘅電視動畫。喺今個月佢喺日本播放第2季新作《宇宙戰艦大和號2202 愛的戰士們》，而佢嘅故事則改編自1978年劇場版《再見了宇宙戰艦大和號 愛的戰士們》，並且延續上一季劇情所發生嘅故事。雖然故事仍然精彩，但講到當中最為亮眼嘅角色，巨乳船務長森雪必然係其中之一。
作為大和號嘅女角色，憑住金髮女郎嘅外形加上一對巨乳，獲得極高人氣。森雪最新登場嘅模型，採用佢喺新一季動畫中嘅艦內服造型，但係大家咪睇呢套工作服將佢包到密密實實，就以為冇乜睇頭。須知道森雪身材本身有料到，而喺呢套緊身嘅工作服包裹下，玲瓏浮凸嘅身材展露無遺，除咗蜜桃美股外，仲將胸前嘅拉鏈拉低，而呢個中門大開嘅造型，令一對巨乳得到充分嘅解放。
除咗呢個養眼位外，其實呢套緊身工作服下，喺雙腿之間仲藏有一個誘人嘅吸睛位，有日本網民稱佢絕對係令男士想入非非嘅設計。另外，原型師喺佢嘅甫士上亦花咗心思，事關佢除咗可以擺出側坐嘅甫士外，亦可以讓佢趴低，變成擺出一個趷股造型，絕對係挑戰大家嘅邪念呀！
開發商：Cyclet
售 價：￥4,000（約HK$280）
撰文：魂