以往日本AV界每年都會有三大頒獎禮，一個係Sky PerfecTV成人放送大賞，一個係DMM成人大獎，最後一個就係喺年尾上演嘅壓軸大型頒獎禮AV OPEN。於今年頭兩個頒獎禮已經圓滿結束，至於AV OPEN則宣布於明年5月舉行，而喺今年12月會由入圍嘅VR作品開始，逐一公布其他入圍角逐各部門獎項嘅作品名單，並接受投票。
另一方面，大會早前已經挑選咗3位人氣AV女優擔任形象女郎，為咗保持神秘感一直都冇公開過女優係邊個，最近仲搞咗一個競猜活動，提供一張印有3位女優剪影嘅圖片畀大家競猜，估中的話，就可以得到3位女優嘅親筆簽名寶麗萊照片。雖然剪影大概可以睇到女優嘅身形同動作，但係要估中呢條「三重彩」難度都幾高，而獎品只係得親筆簽名相似乎孤寒啲喎！至於謎底會喺11月1日揭曉，到時再為大家報道。
撰文：賢