日本AV女優生涯唔會有好多年，捱到3、4年已經相當難得，而能夠維持到10年就更加要開香檳慶祝，至於10年以來一直都保持人氣高企可謂神級！好似波多野結衣就絕對有資格稱得上為神級女優！最近佢繼好姊妹大槻響之後，投入慶祝出道10周年嘅企劃活動，事有湊巧，結衣亦係同AV廠「本中」合作。
上次大槻響需要喺社交網爭取「Like」數籌集旅費，否則就冇錢由北海道返回東京屋企，今次結衣亦一樣要搞搞新意思，先由山口縣出發，再走到各間售賣AV碟舖推銷自己嘅作品，務求要喺四日三夜嘅旅程中賣出超過1萬隻，如果唔達標就返唔到東京屋企喇！期間結衣仲要搵當地嘅熱血男兒擔任素人男優拍攝床上戲，呢四日三夜嘅旅程真係忙到甩轆呀！
得知前輩進行企劃活動，青春派女優美谷朱里同生田未來齊齊出錢支持，購買結衣嘅作品，認真畀面。不過以結衣嘅名氣同魅力，今次親自出馬應該吸引好多粉絲支持，相信一定會成功。如果大家想留意結衣慶祝出道10周年嘅活動，可以Click上特別開設嘅社交網站睇睇。
網址：https://twitter.com/sekaihahatano
撰文：賢