今時今日，有心喺傳媒界發展嘅，搞得網站就唔會出實體雜誌，因為預咗賺嚟唔夠蝕，但竟然有人反其道而行，明明搞寫真網，失驚無神推出實體寫真集，有網民就問究竟係開網站谷實體書，定實體書真係幫到網上宣傳呢？查實問咁多做乜吖，不如睇多兩本寫真仲爽啦！
今期網民熱議就係呢本《Intoxicating Magazine》網絡寫真雜誌，報稱架步喺美國，大部分模特兒都係紋身素人，相頭未必有保證，但架生確係齊過四仔脫星，難怪網站口碑唔錯。大約由2016年開始，佢哋製作印刷版發售，雖然實體書遠遠都跟唔切網絡版，但可以相信，印刷版係將網絡版嘅精中之精放晒入去，以一書打盡漏網之魚。既然有人Like，製作又唔係大問題，推出印刷版都無可厚非，而且佢哋除咗喺網上招募Model，就連攝影師都唔放過，睇得出雄心壯志，誓要拍盡全球裸女，而呢個亦係《Intoxicating Magazine》創刊嘅宗旨，因為佢哋每期嘅寫真女郎都係來自五湖四海，黑白黃、老中青、高貴低俗，唯美淫亂等統統畀晒你，加埋每期有囡囡專訪，抵睇仲好襟睇添！
書名：《Intoxicating Magazine》
售價：約HK$101
撰文：祖