側踢露半球

日本遊戲商Arc System Works喺2008年11月20日推出《蒼翼默示錄》系列頭炮同名作後，憑住出色嘅打鬥風格同流暢嘅操作，加上有趣嘅故事設定及一眾性感嘅女角色，獲得極高人氣，2013年10月更改編成動畫。而講到當中嘅人氣女角色，必然非呢位武功高強兼露出大半球嘅七夜誠莫屬喇！

今次七夜誠最新登場嘅模型，造型嚟自系列第4個作品《神觀之夢》，論性感，絕對係忠於原作，穿上橙色戰衣展露出南半球，加埋招牌側踢動作，相當吸睛。而原型師更特意喺車頭燈上落足工夫，令巨乳有種因為做出大動作而產生跳盪感。

此外，原型師喺肌肉紋理上亦做得相當細緻，不但展現出七夜誠嘅結實腹肌，腿部肌肉亦做到極真實嘅體現。當然呢個側踢動作最令人興奮嘅地方，就係大方地露底畀大家睇，不過眼看手勿動，唔可以除落嚟o架！