真真假假黑絲誘惑

究竟漫畫中嘅美少女迷人啲，定係現實中嘅美少女吸引啲呢？對於呢個問題嘅答案，用簡單嘅一句話嚟講，就係視乎閣下係邊種愛好者。而呢本由插畫家Yomu（よむ）炮製出嚟嘅另類寫真集《Yomu tights sepia》，就充分滿足晒二次元控同現實愛好者嘅需要。作為日本人氣插畫家嘅Yomu，最擅長繪畫穿着黑絲襪嘅美少女，喺呢本作品中，就以現實美少女嘅寫真照配合二次元漫畫美少女，兩者擺出同一個甫士，再配合黑絲誘惑，一次過滿足晒大家嘅慾望。