去餐廳食飯嗌碟乜乜大雜燴，好多時係因為唔知想食乜，所以唔好煩，索性叫碟材料包羅萬有嘅菜式，乜都有得食，但係就唔好期望材料會好靚囉！之不過，最近上市嘅呢本寫真集雖然係大雜燴，但係每個囡囡都咁吸引咁誘人，而佢哋仲有一個共通點，就係擁有G Cup大波波喇！寫真集《リップガールズ G乳亂舞 Special Edition》由5位日本寫真界嘅人氣G奶女優合力演出，包括有妖艷迷人又帶成熟風韻嘅森咲智美、擁有歌手背景嘅甜美少女☆HOSHINO、獲封為「寫真界黑鑽石」嘅橋本梨菜、童顏巨乳代表犬童美乃梨以及身材小巧又活潑可愛嘅葉月彩，佢哋早前應一本雜誌嘅要求組成G奶女子組合「R.I.P Girls」，被寫真界稱為「史上最胸之集結」！今次5位大波妹去到溫泉區換上性感水着演出，喺煙霧瀰漫嘅浴室及溫泉搔首弄姿，賣弄G奶，去到溫泉旅館嘅客房又會做出各種誘人動作，為大家獻上春光之餘，仲將度假優閒以及慵懶感覺表露無遺，相信呢本大雜燴寫真集一定令大家目不暇給。