美腿寫真好誘人

秋季大腿攝影展

藝術同色情往往只係一線之差，好似外國有藝術家舉行性器官雕塑展，有人話係藝術，而日本專拍攝女性大腿寫真嘅攝影師舉行攝影展，卻被人批評帶有色情成分而搞到一波三折。有「大腿色影師」之稱嘅日本攝影師YURIA，自2015年7月舉行首個「大腿寫真的世界展」之後，每年都會喺日本唔同地方舉行展覽，一共吸引超過25,000名人士入場參觀。本來按計劃，YURIA會喺今年3月9日至26日喺池袋舉行攝影展，點知到展覽活動舉行前一星期，主辦單位因為受到極大嘅輿論壓力，最終取消攝影展。事後據稱所謂嘅壓力，不外乎有人認為呢個展覽帶有邪念暗示，有人則認為物化女性等等。經過主辦單位努力後，終於喺4月27日至5月6日期間舉辦一個小型攝影展，但規模又點及得上原本嘅世界展咁大呢？幸好，由即日起至9月24日終於成功喺名古屋嘅Todays Gallery Studio Nagoya舉辦名為「大腿寫真的世界展 秋 2018」嘅大型攝影展，今次展品以食欲、運動及秋季大腿為主題，並且有超過500個作品，好此道者咪錯過啦！

白底冇咁易現形？

女士喺揀Bra嘅時候其中一個考慮要素，就係顏色會唔會太過鮮艷，出現透Bra嘅尷尬情況。對於透Bra問題，日本有內衣品牌便進行測試，睇吓邊種顏色嘅Bra最唔易現形。其實呢個測試嘅原意，並非針對在職女性而設，反而係畀日本嘅教育界作為參考。原來日本有部分學校規定女生只能穿着白色或肉色嘅內衣，理由係呢兩種顏色冇咁透現出嚟。為咗證明呢個講法係錯，日本服裝品牌BODY FOCUS早前喺官方Twitter上公開自家測試嘅結果，希望日本教育界能夠明白真相。佢哋分別將白色、粉紅色、淺藍色、肉色、紅色及深藍色嘅卡紙，放喺接近肉色嘅紙皮上，然後蓋上一層常見用於製造女生校服嘅布料，結果發現愈係比膚色淺嘅顏色，如白色、粉紅色及淺藍色，反而愈透現，而最唔透現嘅竟係喺唔少人眼中鮮艷嘅紅色。佢哋認為若然學校硬性規定一定要着白色內衣嘅話，建議最好喺裏面多穿一件底衫。有日本網民則認為，相對冇得揀制服質料嘅女學生嚟講，在職女士最重要係揀選一啲唔易透底嘅衣物，即使內衣顏色鮮艷都唔使擔心會透現出嚟。

萌味水手服

只要係靚女，着乜衫都會咁靚，但正所謂「人靠衣裝」，如果着件衫可以提升魅力，迷人度自然爆燈。好似日本萌系Cosplayer Senji咁，最近佢着住套性感迷人兼萌度極高嘅士多啤梨水手服，喺Twitter上發送福利，更以呢套水手服拍攝最新寫真集，並且以呢個造型漫畫化，推出限量版鎖匙扣及襟章。如此可愛嘅造型，不但引起男士們嘅興趣，同時亦令呢套士多啤梨水手服人氣急升。呢套水手服，原名叫「士多啤梨牛奶水手服套裝」，除咗以粉紅色為主調，以及印有大量士多啤梨圖案外，重點在於佢半透視嘅上衣，當穿着時，若然冇戴胸圍嘅話，胸前兩點便會若隱若現。此外，迷你百褶裙下更係內有乾坤，原來底裙內附有一條超性感嘅丁字褲，如果從低角度睇話，便會見到誘人嘅美股。不過Senji嘅寫真冇咁惹火，有戴Bra之餘，亦着咗阿婆底褲，非常密實。雖然係咁，佢加咗一條貓尾及戴上貓耳頭箍，萌味指數高，同樣引死人！

撰文：魂