正所謂「男人唔壞，女人唔愛」，而呢句睇落有啲老套嘅說話，亦成為唔少情慾小說嘅主題。不過喺芸芸作品中，要做到既有壞男人魅力，情慾情節又夠熱血沸騰兼動人，美國情慾小說家吉娜‧L‧麥斯威爾嘅作品《騷動：限定壞男人》，絕對係一本高水準之作。故事講述女主角凡妮莎係一位地方檢察官，佢相信世上任何事都必然奠基喺秩序同規律上，因此佢為自己定下7大守則，而呢啲守則亦成為佢揀男友嘅標準。
有日佢應好姊妹嘅邀請去到夏威夷，幫忙籌備婚禮，卻因此被迫跟對方嘅哥哥傑克森同處一個屋簷下一個星期。之所以話係被迫，因為作為格鬥賽冠軍嘅傑克森不但唔跟規矩，仲將凡妮莎精心策劃嘅婚禮計劃打亂。事實上，傑克森一直以嚟嘅生活，只有滑浪、訓練同格鬥，而佢最討厭就係凡妮莎呢類做事循規蹈矩，兼且脾氣暴躁嘅女人。不過眼見女方拒人於千里外嘅態度，卻又挑起佢嘅挑戰本能，因此佢決定要喺7日內，顛覆對方所有守則，同時要將佢嘅靈魂同肉體征服。
書名：《騷動：限定壞男人》
售價：約HK$80
撰文：魂