所謂人旺冇幾可，難得可以發圍就當然要食住個勢兼起埋對啤啦，如果唔係就會畀機會白白流走，過後後悔就太遲喇！至於點樣可以發圍兼起啤呢？G奶美人兒佐野雛子就拿手喇！佐野雛子擁有美艷迷人嘅美貌，同時仲有一副極之標青嘅火辣身材，腰肢只有21吋咁幼，但係上圍就有34G咁厲害，乃係男人所渴望嘅薄身巨乳類型！雖然雛子咁好身材，但係拍寫真只係其中一個事業範疇，由於雛子嘅樣子屬於正統派，容易入屋，所以深受電視台歡迎，拍劇一部接一部，包括月九劇《有喜歡的人》，另外雛子進軍電影界亦相當順利，早前上映嘅《能接吻的餃子》雛子就有份演出喇！喺影視界曝光率激增，雛子唔想畀佢停，最近食住個勢推出寫真集《最高のひなこ》，書名具有雙重意義，一係指家陣嘅雛子無論樣子定身材都處於最高峰狀態，索到啪啪聲不在話下，二係指今次雛子嘅露出度為歷來最高，有幾高呢？雛子會有好多真空上陣露出大半球嘅演出，仲有出浴期間大玩濕身透視誘惑，加埋妖艷撩人嘅表情，為觀者帶來前所未有嘅官能刺激！