每個人心裏總有唔少謎團，卻又唔知點樣解答，好似有人唔明點解一世都溝唔到女，有更多嘅人唔明點解自己一出世唔係富二代。不過與其被呢啲謎團所困擾，不如睇吓今次介紹同Quest有關嘅情色俚語，同埋相關嘅成人作品，相信會更有得着。
呢個世界一樣米養百樣人，好似有啲人視性愛為一種樂趣，而喺英文情色俚語中，有乜嘢詞語形容呢類人呢？答案就係「Questing」。對於以上床為樂嘅人嚟講，每次成功啪啪啪，就好似打機成功過關一樣咁興奮，因此獲得呢個稱呼。例句：John's been questing on her all night.（約翰一直尋求同女仔啪啪啪。）
至於如果係無性不歡嘅話，呢種情況有機會係「性成癮」，英文叫做「Sexual Addiction」。有心理學家指出性成癮患者，會視性愛為調節心情同逃避現實嘅一種方式，因此亦係心理病嘅一種。
唔好以為18禁遊戲係日本嘅專利，其實美國亦有唔少經典作品，好似喺1998年9月推出嘅成人RPG電腦遊戲《Fxxx Quest》就係其中之一。呢隻由美國程式員Richard Eter獨自開發嘅DOS遊戲，玩家協助男主角Richard周圍搵女啪啪啪。不過遊戲大小只得212KB，因此畫面相當簡陋，同埋會起晒格。雖然遊戲被人詬病難度太低，但對於當時極罕有嘅成人遊戲嚟講，始終有佢嘅代表性。
話說回來，美國最早出現兼量產嘅成人電子遊戲係邊隻呢？就係喺1982年10月13日美國遊戲公司Mystique發售首隻成人遊戲《Custer's Revenge》，以遊戲機Atari 2600為平台，並以白人將軍George Armstrong Custer為主角，玩家操控佢點樣同疑似印第安女子啪啪啪，卻因涉及種族問題而惡評如潮，至今仍被美國選為歷史上最差嘅電子遊戲之一。
如果要數美國四仔界男神，相信非嚟自意大利嘅Rocco Siffredi莫屬，而呢套喺1994年由美國四仔片廠Sin City推出嘅作品《The Quest》，更係佢嘅經典代表作。由四仔名導Paul Norman執導，Rocco Siffredi主演並夥拍Kaitlyn Ashley、Nikki Sinn及Tiffany Mynx呢三位人氣脫星演出，甫推出即成為美國四仔界話題之作，皆因絕少四仔會以男優作為賣點。故事講述外國演員Rocco懷住一顆勇闖荷里活嘅心而到達美國，點知陰差陽錯搭上咗個富婆，女方得悉Rocco為錢而煩惱，便引誘佢啪啪啪。為咗生計，Rocco冇辦法拒絕對方嘅要求。隨住佢識得愈嚟愈多富婆，昔日嘅荷里活夢早已拋諸腦後！
講番呢位嚟自意國嘅四仔男神，佢喺1991年同前匈牙利小姐兼成人模特兒Rosa Caracciolo拉埋天窗，為咗兩個囝囝着想，喺2004年6月宣布唔再演出四仔，5年後復出，2015年再次宣布息影。喺四仔生涯中，佢攞過無數獎項，包括最佳四仔男優、最佳四仔導演、最佳性愛演出等，因此佢日後能進入名人堂亦屬意料中事。
紅白機嘅經典RPG遊戲《勇者鬥惡龍》（Dragon Quest），不但係日本電子遊戲中嘅超人氣作品，更衍生出各種動漫作品，而喜歡惡搞嘅AV片廠GIGA，又點會放過惡搞呢個經典電玩作品嘅機會呢？喺2013年11月便推出成人版《勇者鬥惡龍》嘅《Magic Quest》，由AV女優小林冬月主演，扮演一位既有正義感，同時又好性感嘅女魔法使Ami。故事講述自從Ami同勇者打倒大魔王之後，就一個人去旅行，旅途中女格鬥家龍馬及商人野良貓成為佢嘅夥伴，一齊打倒魔王餘孽。為咗打倒戰鬥力愈嚟愈強嘅魔物，Ami決定去拔出神劍，點知對方早喺神劍附近埋伏，結果Ami等人被俘虜，而喺狂亂嘅啪啪啪之下，最後佢哋能否打倒魔物軍團呢？呢套作品雖然係《勇者鬥惡龍》嘅「致敬」之作，但一眾演員嘅造型相當認真，每當人物進行對話時，都出現遊戲中獨有嘅對話框，足見片廠相當有心思。講番喺2014年10月改名做真希瀨東月嘅小林冬月，1993年11月11日於東京出生嘅佢，2012年6月演出AV處女作《工作女性 2 Vol.27》，以萌系新人女優身份出道，搵佢扮演可愛嘅魔法使，就最適合不過。
撰文：魂