日本有好多選美活動，當中有唔少係由雜誌舉辦，由於規模較小，所以性質只屬於地區性，而選美佳麗嘅質素亦比較參差，而質素高嘅美人兒多數會參加全國性選美活動，平塚千瑛就曾經係選美活動嘅常客，所以質素比一般寫真妹高！今年31歲嘅千瑛擁有一副風韻迷人、妖艷而不失高貴氣質嘅姊系面孔，絕對出得大場面。身材方面，千瑛高有5呎7吋，高挑之餘仲擁有一對純天然堅挺G奶，認真係難得一見嘅惹火尤物！千瑛一直以來參加過唔少選美比賽，包括「Miss Earth日本大賽2011」及「日本環球小姐2012」等，雖然最後未能成功奪獎，但係有份入圍已經證明佢質素高，同時幫助佢打響名堂，獲得好多演出電視節目及電影嘅機會，而佢主演嘅電影《我絕不會原諒》更喺今年多個國際電影節獲獎添！