強烈慾火難以隱藏

想結識異性最重要嘅一步,就係唔好收埋自己,否則又點能夠引起異性嘅注意呢?而喺英文情慾俚語中,同Hide及隱藏有關嘅俚語有唔少,至於喺美國四仔界及日本AV界中,亦有唔少令人睇到血脈沸騰嘅作品。

情色俚語 Hide The Salami 男女交歡

「Salami」中文叫莎樂美腸,而呢度所講嘅「Hide The Salami」又係乜嘢意思呢?畀個貼士大家,男士有邊個部位同腸仔相似呢?不過大家咪以為佢係解做男士收埋支兵器,查實佢真正意思係暗指啪啪啪,而直接講「Hide the Sausage」亦係同樣意思。至於澳洲人就鍾意講「Hide the Ferret」,意思同樣係指交歡。講起收埋兵器,有種叫做縮陽症嘅病唔知大家聽過未呢?男士唔使擔心患上呢種病後,兵器真係會縮埋,查實佢係一種心理病,患者會有種幻覺,以為兵器正往體內縮入,並堅信當完全縮入體內後便會斃命,而事實上當然唔會有咁嘅事發生啦!

玩樂辭典 Hide-and-go-sex 成人版捉迷藏

細個時成日玩嘅捉迷藏,英文叫做「Hide-and-seek」或「Hide-and-go-seek」,只係呢度所講嘅「Hide-and-go-sex」又係指乜嘢玩意呢?其實佢係喺情慾派對中相當流行嘅成人版捉迷藏,主要玩法有兩種,其中一種係參與遊戲嘅男女首先要剝光豬,然後其中一個人先要匿埋,如果匿藏者係男士嘅話,尋找者必須全部係女士,相反亦然。當倒數完畢後,就開始尋找躲藏者,邊個最先搵到嘅話,就要同對方即場啪啪啪。另一種玩法係匿藏者必須為女士,而參加遊戲嘅男士唔可以超過5個人,佢哋需要於限時內喺漆黑一片嘅環境中搵到藏匿嘅女士,當搵到之後男士要即刻進行啪啪啪,或至少向對方完成發射任務。如果喺限時內搵唔到嘅話,全體男士就要受到懲罰,呢個遊戲係咪好刺激呢?

美國四仔系列 《Justine - Nothing To Hide 2》 三角關係

雖然攞獎唔代表乜嘢,但係能夠攞獎始終具有一定嘅代表性,證明佢獲得唔少人嘅認同,而講到喺美國四仔界獲獎多多嘅名作,就一定要數由四仔片廠Cal Vista喺1993年12月推出嘅作品《Justine - Nothing To Hide 2》。由著名導演Paul Thomas執導,搵嚟傳奇脫星Roxanne Blaze擔正演出,更邀請到Dyanna Lauren、Lacy Rose、Tianna等人氣脫星坐鎮,陣容星光熠熠。故事講述Roxanne Blaze介入兩個男人嘅生活之中,並且發生三角關係,期間穿插好多女角色,令四仔充滿戲味。喺1993年XRCO頒獎禮獲得最佳年度四仔,其後喺AVN頒獎禮亦獲得最佳年度四仔及最佳導演兩個獎項,而Roxanne Blaze亦憑此片奪得最佳年度脫星,Tianna則獲得最佳女配角同最佳調情演出,直至2015年被AVN評為500套經典四仔之一。

至於點解稱Roxanne Blaze做傳奇脫星,皆因於1974年9月3日喺美國加州出生嘅佢,1993年出道後冇耐就憑此片獲獎,同時又憑另外兩套作品奪得最佳性愛場面及最佳男女性愛演出獎,卻喺獲獎後冇耐就宣布引退,進軍荷里活拍B級片,演出超過20套電影。

日本AV系列 《Hide Out》 慾望爆發

日本嘅AV題材總係令人睇到心跳加速,好似被稱為近年拘束系主題佳作嘅《Hide Out》就係其中一個好例子。呢套由AV廠Dogma喺去年2月推出,並由奏自由演出嘅作品,故事講述奏自由有日去睇新居,點知喺睇樓嘅過程中,屋主同地產中介因為抵受唔住奏自由美艷嘅外形及火辣身材嘅引誘,而對佢進行百般挑逗,將奏自由潛藏心底嘅慾望引爆,三人喺屋內進行極為香艷嘅拘束調教。呢套作品除咗拍攝夠寫實外,奏自由嘅精彩演出同樣功不可沒,事關佢盡情展現淫亂嘅一面。事實上,喺1994年2月14日於日本兵庫縣出生嘅奏自由,2015年6月以素人女優身份出道,當時佢以恭子呢個藝名演出處女作《人妻湯戀旅行 080》,憑住萌味十足嘅外形,同埋一對34G嘅巨乳,備受AV迷注意。其後佢改用藝名未央,及至2016年4月改用現時嘅名字,同時佢夥同跡美珠里、廣瀨海、北川柚子、水澤莉子等組成女子團體「原宿☆Bambina」,並推出唱片《Fantasmile!/fairyMagic》。

撰文:魂