防撞擊冬甩 長器男士必備

化身安全氣墊

男士每當喺啪啪啪時，都會情不自禁咁大大力進行活塞運動，以為愈大力愈有快感，令女伴更加興奮。不過美國性健康峰會（Sexual Wellness Summit）召集人Emily Sauer表示，根據調查全球有百分之七十五嘅女士會因為伴侶太用力或兵器太長而感到唔舒服。為咗減低喺活塞運動嘅過程中，因為撞擊而令女性感到痛楚，Emily研發咗一個名為「Ohnut」嘅男士專用兵器環，名字嚟自「Donut」（冬甩），原因係兩者外形相似。由淺藍色聚合物製成嘅「Ohnut」，輕巧、柔軟同具有相當高嘅彈性，以三個環為一組，使用方法係男士因應自己嘅兵器長度及女伴嘅感覺，而決定喺兵器上套上一個或以上嘅「Ohnut」，由於佢具有極強彈性關係，故此可以喺活塞運動期間產生類似安全氣墊嘅作用，從而減低撞擊時嘅痛感。Emily認為有咗呢個「冬甩」之後，女伴唔使擔心男友兵器過長以及用力過猛而感到不適。早前呢個防撞環已喺Kickstarter成功集資，每組零售價為58美元（約452港元），有需要嘅男士不妨買番個看門口。

和味火辣旗袍

旗袍嘅貼身剪裁展現出女性玲瓏浮凸嘅身材，加上高衩設計展露一雙長腿，故被視為性感衣着之一。最近有位日本女Cosplayer將旗袍二次設計，令性感度提升到更高層次。萌系女Cosplayer砂良創立嘅服裝品牌Alter ME，推出一款露出度極高嘅超性感旗袍名為「Celestial Maiden China」，備有黑、藍、紅及白合共4款顏色，其養眼之處在於布料極少，除咗領口、高衩部分及圖案仍保留旗袍嘅傳統特色外，其餘部分嘅布料卻係剪得就剪，不單止露背設計，胸前兩點更係只用兩條連住領口同裙襬嘅布條遮住，而高衩嘅盡頭更係開到上腰，如果動作大啲嘅話，連美股都會露埋出嚟呀！此外，裙襬嘅前方開咗條極高嘅衩，真係連底褲都露埋！若然唔想露出度咁高，卻又想穿着呢條火辣旗袍點算好呢？砂良建議可以着埋由佢設計嘅「開胸上衣」，不過睇番佢嘅造型示範，露出度仍然好高喎！

接吻有風險

早前美國牙醫及細菌學家Harold Katz博士接受英國媒體訪問時表示，其實接吻有一定嘅危險性，其中一個就係會導致傳染性蛀牙。原來喺接吻過程中，彼此會接觸到對方口腔中嘅細菌，透過口水傳到對方嘅口腔中並發病。此外，口腔中嘅細菌比馬桶仲要多，因此喺接吻時，兩人可能已經交換咗8,000萬個細菌，同埋700個唔同嘅菌株，因此英格蘭國王亨利六世喺1439年7月下令禁止接吻，用以阻止疾病傳播。雖然接吻對健康有影響，但係博士亦指出由於嘴唇上約有1萬個神經末梢，相對陰蒂嘅8,000個嚟講具有更高嘅敏感度，因此有部分女性可以透過接吻而達到性高潮。另外，接吻亦係純天然嘅催情劑，原因係喺法式濕吻過程中，睾酮隨住口水轉移到伴侶嘅口腔之中，然後透過口腔薄薄嘅黏膜滲入血液，從而產生一種愛情感情，難怪曾有統計指出，一般人喺一生中共花上兩個星期嚟接吻。不過博士補充指，有百分之五十嘅男性及百分之六十六嘅女性，喺第一次接吻後，會認為對方嘅吸引力下降。話時話，究竟接吻係好定唔好呢？喺考慮呢個問題前，其實大家最重要都係注意口腔衞生。

撰文：魂