無敵巨乳 配童顏最吸引

胸器陣容鼎盛

日本寫真界一直以嚟都有唔少標榜童顏巨乳嘅女優登場，但係咁多年嚟卻沒有一位成為日本人眼中最正嘅童顏巨乳寫真女優。為咗選出人氣最強嘅童顏巨乳寫真女優，日本綜藝節目早前舉辦咗「第一屆國民的童顏巨乳比賽」（第1回国民的童顏巨乳コンテスト）。雖然呢個係綜藝節目，但係參賽者陣容鼎盛，包括有胸器達35H嘅清水愛里、35G嘅RaMu、32F嘅長澤茉里奈、33E嘅栗原美咲、34G嘅日野麻衣、34G嘅片瀨美月等超過10名巨乳寫真女優，最重要係佢哋個個都擁有一副童顏。至於評審團方面，除咗有一眾節目男主持外，仲有一位當年以童顏巨乳橫掃寫真界嘅篠崎愛，可謂相當有說服力。雖然呢班參賽者都屬童顏巨乳一族，但係比賽最終只得一個優勝者，經過一輪才藝表演及胸器評鑑後，結果由擁有35H胸器嘅清水愛里奪得冠軍。據篠崎愛表示，喺1992年12月17日於大阪出生嘅清水愛里，之所以能夠能獲得國民童顏巨乳嘅稱號，理由係佢嘅奶樽外形最靚，加埋身形夠勻稱，因此獲得最高評分。得獎之後，清水愛里梗係開心到爆，仲喺Twitter上發表得獎感言，最有趣嘅係佢自稱唔知自己算唔算童顏，只係認為自己係憑住空手道而將其他參賽者打敗喎！

索女版青眼白龍

紋身呢樣嘢同榴槤一樣，鍾意嘅人會瘋狂迷上，唔鍾意嘅就會耍手擰頭，然而鍾意紋身嘅朋友，又會唔會學似呢位英國索女咁瘋狂，連眼白都染成青藍色呢？今年23歲嘅Amber Luke，早喺16歲已決心成為紋身師，更希望能夠有朝一日將自己變成人形版嘅「青眼白龍」，即係日本動漫《遊戲王DM》中嘅卡牌怪獸。深愛紋身嘅Amber Luke，自此開始喺身上不斷紋身，及至2017年身上已有超過50組嘅圖案。而紋身技術亦不斷提升嘅Amber Luke，終於開始「青眼白龍」改造計劃，佢先改變耳朵嘅外形，然後將舌頭割開變成蛇舌，喺去年11月佢更將眼白染成青藍色。Amber表示染色過程只係40分鐘，而每隻眼刺咗4次，但刺針拮喺眼球上嘅壓力同痛感，卻令佢至今仍印象深刻，最重要係雙眼半失明咗3星期。雖然過程超激，但係Amber對效果相當滿意，仲為自己取外號為「Blue Eyes White Dragon」，中文即係「青眼白龍」。不過改造計劃仍未完成，Amber表示未來計劃將兩顆犬齒削尖，並且喺皮膚紋上立體紋身，令自己睇起嚟更具龍味，佢仲話本來想喺頭上植入一對龍角，最後覺得唔係咁合適才放棄。有人就話Amber未變成「青眼白龍」之前個樣其實好索，真係唔明點解佢要將自己搞成咁囉。

做緊都睇手機？

家陣唔少人都機不離手，甚至喺啪啪啪嘅時候，都有睇手機嘅習慣！手機應用技術公司SureCall針對男女喺睡房使用手機嘅習慣，成功訪問咗1,000名男女，結果發現當中有百分之十嘅受訪者表示，佢哋曾經試過喺啪啪啪嘅途中查看手機，而當中有百分之四十三嘅受訪者表示，佢哋唔係睇一次咁少，而係最少會查看兩次，最多試過看10次，而呢個情況喺18至34歲年齡層嘅男女最為普遍。至於點解佢哋喺重要關頭都要查看手機呢？大部分嘅受訪者表示，佢哋之所以咁做，係因為擔心覆唔切留言，尤其係同工作有關嘅留言最緊張，要立即回覆，其次則係驚錯過咗朋友群嘅最新八卦消息。專家表示如果喺性愛途中，經常翻查手機訊息嘅話，不但會令性愛質量降低，同時會影響伴侶嘅性趣，對關係帶嚟負面影響。除咗喺啪啪啪查看手機之外，有百分之六十九嘅男女表示會喺如廁時睇手機，另外有百分之七十五嘅受訪者表示瞓覺時習慣將手機放喺身邊。話時話，呢啲手機習慣對香港人嚟講係好尋常囉！

撰文：魂