一句「蓬門今始為君開」曾引起唔少鹹濕佬幾多聯想，事實上，「門」呢個字喺男士心目中，確實有另一番意思。而喺英文情色俚語中，會經常見到同Door有關嘅詞語，而喺成人作品當中亦唔難發現到佢嘅蹤影。
唔少人喺屋企大門都會裝有門鈴，英文叫做「Door Bell」，而如此平凡嘅門鈴，估唔到喺英文情色俚語中竟然另有意思，原來係暗指女性蜜洞內嘅小豆子。據稱喺情色俚語中，「Door」本嚟係指蜜洞，而蜜洞內具有挑起女性情慾及高潮快感嘅小豆子，便順理成章叫做「Door Bell」，意指係男士好想用手指嚟按吓佢咁解。
除咗「Door Bell」之外，仲有「Door-keeper」，唔知大家估唔估到佢係乜嘢意思呢？唔係解做底褲，而係解做處女膜。若然睇咗前面嘅解釋，相信呢點唔難明白，事關守護蜜洞嘅部位，相信非處女膜莫屬。有研究指呢個世界只有極少數女性先天冇處女膜，但係女性喺運動期間，處女膜會自然破裂之餘，破膜亦唔一定會落紅o架！
「囧」呢個表情文字曾經風行一時，原來喺英文中亦有類似嘅睇字聞意嘅詞語，「Door 3」就係其中之一，唔單止有色情嘅暗示，知道當中嘅「鹹」意後更係覺得相當有趣添！原來所謂「Door 3」，意思解做最正嘅後花園，當中嘅「Door」暗示蜜洞，擺係佢右邊嘅「3」則係暗指臀部，理由好簡單，「3」嘅外形就同臀部嘅形狀差唔多，而英文右邊係「Right」，同時又有「正確」嘅意思，將3個意思夾埋一齊，便會得出一個最正嘅後花園咁解。
關於Door又跟臀部有關嘅情色俚語，仲有「Doorknob」，按中文翻譯嘅話會得出門柄嘅意思，但係佢真正嘅意思唔係門柄，亦同蜜洞無關，皆因佢係指一種情趣玩具，就係後庭塞，原因好簡單，後庭塞嘅外形就同門柄一樣，因而得到呢個稱呼。
雖然唔同地方嘅四仔迷對經典作品嘅定義都唔同，但係有套美國四仔，不論嚟自何處嘅四仔迷都評價佢做經典之作，就係由美國四仔片廠Vouyer Media喺2006年7月推出嘅《In Thru The Back Door》。由片廠老闆、四仔導演兼男脫星Vince Vouyer自導自演，搵嚟天資優厚嘅新人Sasha Grey擔任女主角，並邀請到Jasmine Tame、Rebeca Linares、Samantha Sin等極具人氣脫星坐鎮，陣容相當鼎盛，加埋主打激情後花園嘅題材，讓觀眾大開眼界。
喺1988年3月14日於美國加州出生嘅Sasha Grey，喺2006年5月出道，憑住美艷樣貌備受四仔片廠及四仔迷注意，當時甚至有導演預測繼Jenna Jameson之後，Sasha Grey成為另一位四仔神級脫星。喺片中Sasha Grey首次作後花園演出，不但令四仔迷睇得如癡如醉，為之瘋狂，同時為Sasha Grey奠定未來四仔天后嘅地位，而憑住出賣後花園，喺2007年嘅XRCO成人頒獎禮中獲得最佳新進脫星獎。其後Sasha Grey喺四仔界拎獎拎到手軟，並且喺2008年成為AVN頒獎禮史上最年輕嘅年度脫星，不過喺2011年時佢宣布引退，並轉向電影界發展。
日本動畫中有道門相當出名，就係多啦A夢嘅法寶隨意門，只要諗到想去邊度地方，佢都可以幫到你。不過呢個題材落喺創意無限嘅日本AV中，卻變成相當香艷嘅場面。日本AV片廠ROCKET喺2008年1月推出《究極之妄想發明系列》頭炮作《一道可以去任何地方的門》，就將隨意門變成邪惡之極嘅嗒女工具。由夢島優月、藤澤蘿拉、風谷音緒及初井天真里等四位女優演出，講述有位鹹濕仔偶然獲得一道隨意門，於是佢利用呢道門隨意出入女性洗手間、浴室同房間，然後進行不軌嘅行為。由於題材夠抵死又惹笑，故此大受歡迎。有見及此，ROCKET便推出後繼作，第2集便玩透視眼鏡，第3集則以夢想成真電話亭為題材，第4集就大玩性別變換相機，而到咗第5集嘅時間停止手錶，更係令呢個系列嘅人氣推上頂峰，故事唔單止有趣，仲滿足男士一直以嚟潛在嘅幻想，同時引嚟一股跟風作出現。不過創意始終有乾塘嘅一日，2013年1月推出以男變女橋段嘅《Body Jack》之後便宣告停產。
撰文：魂