做人千祈唔好太過做作太過虛假，否則就會被人話扮嘢，繼而惹來其他人冷待甚至係針對。之不過，做人識得「扮嘢」其實唔錯，好似桃月奈志子咁就係因為扮嘢叻，最近成功上位喇！
喺中國民間傳說中，神仙有分級數，好似玉皇大帝就梗係頂晒班啦！而灶君、土地公喺神仙界當中地位就低好多喇。至於妖魔界亦有分級，同孫悟空實力旗鼓相當嘅牛魔王就屬於大魔王，至於小妖精多數都係做嘍囉角色則不值一提！之不過，今日介紹畀大家認識嘅小妖精就一定要識，佢就係桃月奈志子喇！
22歲嘅桃月奈志子五官標致，雙眼電力十足，雖然佢青春嫩口，但卻唔似同齡嘅少女一樣咁可愛，反而泛出一股病態美以及淺淡嘅妖氣，令人覺得佢似專門搞搞震嘅小妖精，但係大家唔使驚，奈志子絕對唔會害人，同時亦相當誘人，因為阿妹擁有一副雪白嫩滑嘅胴體，四肢同腰肢都纖幼，同時擁有一對飽滿嘅純天然F奶，如果近期大家有去日本旅行，經過便利店時不難會被佢嘅性感水着海報吸引，而奈志子之所以突然上位咪就係全靠扮嘢喇！
雖然大家近期可以欣賞到好多桃月奈志子所拍嘅水着寫真照，不過奈志子到家陣仲未宣告全力加入寫真界，原因好簡單，因為奈志子未放棄女護士職業！冇錯，奈志子其實係一名白衣天使，而男士們對呢個職業嘅女性零舍有憧憬，所以唔少搵佢拍寫真嘅雜誌都會特別標榜女護身份。然而，奈志子為人注目嘅身份仲有一個，就係Cosplayer喇！奈志子熱愛動漫，鍾情扮演動漫角色兼且扮得入型入格，經常出席各大小Cosplay活動，但係講到佢扮嘢扮到出晒名就要數到今年喇！有見奈志子扮嘢功夫到家，樣貌標致，早前電影《挑戰者一號》首映禮就請來阿妹扮演《街頭霸王》嘅春麗！之後，奈志子又再現身於電影《末日困獸戰》嘅首映禮，今次佢就扮演番自己嘅老本行女護士，能夠出席咁多萬眾矚目嘅盛事，桃月奈志子想唔上位都幾難啦！
簡介：桃月奈志子近日工作相當忙碌，又要拍寫真又要繼續其Cosplayer事業，大家想緊貼阿妹動態的話就要留意其Twitter喇。
網址：https://twitter.com/nashiko_cos?lang=ja
年齡：22歲
身高：5呎3吋
三圍：34F-24-34
撰文：賢