情色小說有趣嘅地方，在於題材唔會受現實世界限制，透過文字帶畀讀者更廣闊嘅想像空間，而講到一啲極限題材嘅情慾小說，嚟自美國嘅情色小說家蒂芬妮‧瑞茲嘅《情挑夜天使》正係其中之一。呢本以愉虐為題材，講述支配者與被支配者性關係嘅小說，唔單止內容相當惹火，而且極為踩界。故事以情色作家蘇瑟琳為主線，講述佢經過多年外遊後，終於回到將佢調教成被支配者嘅型男索倫身邊。索倫不但擁有靈活嘅腦袋，同時埋藏最原始嘅慾望，當兩人再次走埋一齊，呢種性關係本嚟堪稱完美，點知佢哋嘅秘密關係卻曝光！索倫為免受牽連，於是將蘇瑟琳同埋青年麥可送到紐約嘅農莊暫避。一直以嚟充當被支配角色嘅蘇瑟琳，卻反過嚟成為支配者，不但將麥可狠狠地調教，更令對方不能自制陷入愉虐情慾之中。正當兩人喺農莊內享受無與倫比嘅調教遊戲時，麥可卻發現自己竟然愛上另一個人，而呢個時候索倫亦嚟到紐約，究竟呢種錯綜複雜嘅情慾關係，最後點樣得到解決呢？