俗語話：「手瓜起𦟌，食嘢唔使畀錢。」大隻佬渾身都係肌肉的確外表威猛，咁同樣都係一身結實肌肉嘅可愛大隻妹，唔知大家又鍾意唔鍾意呢？如果鍾意嘅話，呢本以筋肉感美態為賣點嘅《かわいい筋肉》就一定啱晒你嘅口味喇。演出呢本寫真集嘅美人兒有兩位，一個係才木玲佳，阿妹雖然身高只有4呎11吋，不過佢係健身運動狂迷，練到上半身相當大隻，好彩腰肢同玉臀都十分纖巧，唔會令人覺得佢似變形俠醫。唔好睇才木玲佳個樣咁天真可愛，拍寫真同時又有打女子摔角嘅佢，喺擂台上不知幾咁勇猛、幾咁狼死呀！
至於另一個演出者就係柳本繪美，佢同才木佳玲曾經一齊做過格鬥聯賽Krush嘅形象女郎，而繪美同樣鍾意健身，但係主要係玩收身運動為主，所以體態冇玲佳咁大隻，胴體卻健美非常！寫真集《かわいい筋肉》就收錄咗兩位肌肉女練習嘅情況，亦包括玲佳於擂台上展現嘅英姿，以及繪美換上水着搔首弄姿嘅美態，過程當中除咗可見佢哋着上緊身又少布嘅運動裝揮灑一身汗水，仲會見佢哋充滿筋肉美胴體經由汗水潤澤後嘅誘人一面，感覺相當獨特。
書名：《かわいい筋肉》
售價：約HK$194
撰文：賢