睇脫星演出梗係睇四仔啦，皆因佢哋埋身肉搏乜都玩齊，除非係死忠粉絲，否則唔會真金白銀買本四仔脫星寫真集啩？但其實脫星寫真都可以好精彩，視乎由邊位攝影師操刀啫！作品向來被喻為神話與現實交錯嘅美國攝影大師Allan Amato，巴打可能未必識佢，但睇過Allan Amato嘅作品就一定知道佢係乜水，大師嘅作品多年來主打超現實幻想意境，即使拍攝寫真集都一樣唔放過，最新推出嘅寫真集 《Seraph》，全書有160頁，內頁全部係裸女寫真，由黑白到彩色乜都有，科幻、懷舊、色情、文藝等主題共冶一爐，你話唔識佢點會買佢嘅寫真集先？咪傻啦，大師吹雞，即使攞啲陳年舊相出寫真集都有大把人爭住搶啦，更何況呢本寫真集搵嚟經典脫星如Stoya、Bree Daniels及Riley Reid等做Model喎，難得可以再欣賞到咁多位女神，畀兩舊幾水買個回憶都值得吖！