科幻題材嘅十八禁遊戲喺日本近年大行其道，只係要令肉搏劇情變得順理成章，需要加入愛情元素至得，好似遊戲開發商Navel最新推出嘅十八禁遊戲《有幾種讓你醒來的方法》咁，唔單止有科幻同愛情元素，仲糅合埋懸疑劇情，令遊戲性大大提升。故事發生喺不久將來嘅日本，當時一種被稱為「Automata」嘅人工智能人偶相當普及，佢哋被利用作為勞動工具，更有人將佢當成朋友，甚至係戀人看待。
遊戲中嘅男主角伊奈宗介本來喺大型企業擔任「Automata」嘅AI設計員，後來佢繼承爺爺嘅維修店「伊奈Motor」，以店長身份為「Automata」進行維修工作。有日佢發現有個「美少女Automata」倒臥喺店門前，以為係主人唔願出錢維修，故將「美少女Automata」遺棄，於是帶入店內維修，卻發現對方竟然係個偽裝成「Automata」嘅人類！自稱叫枚方初音嘅少女表示因為失去雙腿，於是植入「Automata」零件，卻唔知點解突然暈倒。隨住兩人相處，伊奈宗介發現枚方初音捲入一宗「人體販賣」事件中，為咗查出幕後黑手，宗介決定搵一班索女好友幫忙。
開發商：Navel
售 價：￥10,800（約HK$799）
發售日期：2018年5月25日
撰文：魂