人總會有脆弱嘅時候，若然喺最脆弱嘅一刻，跟仇人一同喺孤島上生活，係咪會擦出愛火呢？呢個就係美國色情小說《白雪誘惑》嘅主題。故事講述女主角安妮係一位著名嘅喜劇演員，但係對於工作已感到麻木，基於同母親嘅協議關係，佢被迫到位於緬因州一處與世隔絕小島上生活。呢個冰雪孤島唔單止生活淒苦，島上更充滿令佢不快嘅痛苦回憶。殊不知佢登島後，卻發現當年帶畀佢痛苦回憶嘅男主角西奧竟然住喺島上面。原來西奧係一位驚悚小說作家，因為創作壓力太大，於是佢嚟到孤島過住孤僻嘅隱世生活。喺荒島上，除咗有安妮同西奧兩人，仲有一位年輕貌美嘅寂寞寡婦。究竟事隔多年之後，西奧仲係咪安妮當年遇到嘅冷血王子呢？對於西奧嚟講，又有冇後悔當年自己嘅所作所為呢？最大嘅問題係，夾於兩人中間嘅寡婦，又會對佢哋帶嚟乜嘢影響呢？