即時溝通應用程式普及，令手機視頻變得更具即時性及方便，有啲男女就鍾意用嚟作為調情工具，只係玩還玩，記得要問吓對方鍾唔鍾意至得。有位女網民喺網上訴苦，稱男友成日叫佢玩自娛視頻，搞到佢好煩惱。據呢位女網民稱，自從男友去外國進修後，兩人經常透過視頻嚟通訊，情到濃時會同對方展現裸體，佢話：「有次男友叫我喺鏡頭前自娛畀佢睇，因為驚屋企人突然走入我間房，於是我喺廁所度做畀佢睇。自從呢次之後，男友經常叫我咁做，一兩次就話冇所謂啫，成日咁做我屋企人一定會懷疑，有次仲離譜，佢叫我喺公廁度做畀佢睇，我梗係唔肯啦！而佢亦因為咁嬲咗成個禮拜。其實我真係唔鍾意咁做，覺得好醜怪，點樣先可以令男友知道我唔鍾意呢？」