日本嘅十八禁遊戲市場相當大，一啲人氣作品更經常被模型廠睇中，將當中嘅角色模型化以滿足粉絲嘅需要，好似2009年遊戲開發商Nitro+為慶祝成立10周年，推出十八禁遊戲《裝甲惡鬼村正》就係其中之一，當中嘅女角色先後被模型化，而最新登場嘅就係呢位足利茶茶丸。咪睇呢位美少女外表好純情，大家只要細心留意佢嘅眼神，就知道佢嘅內心並唔單純，其實佢係一個弒父奪位嘅忤逆女，野心相當大。呢個模型出自著名原型師本宮海斗之手，不但將呢位絕不單純美少女嘅邪念充分表現出嚟，而且性感度相當高，身穿間條橫紋內衣，一對美乳夠吸睛，而熱褲之下半露底褲，更係邪念十足，加埋挑逗嘅眼神，名副其實係魔鬼誘惑。此外，自然又逼真嘅肌肉線條，令茶茶丸嘅身材更加立體、更具美感。