打工仔每日難過日日過，唔單止為錢煩惱咁簡單，仲會因為工作、感情、家庭等問題而煩惱不已，講起都覺得煩！不過講開又講，做人又唔係Day Day都咁苦惱，只要識得搵啲嘢嚟滿足一下自己，日子會過得開心啲。今次就睇吓喺情慾字典中，有乜嘢跟日及Day有關嘅俚語同AV作品啦！
幾乎每日都有唔同嘅紀念日，而每年6月2日就係「國際妓女日」（International Whores' Day）。呢日嘅出現，係紀念喺1975年6月2日有過百名妓女，為咗抗議社會對妓女嘅唔公平對待，以及抗議法國警方借清除妓女為名，對佢哋施以暴力執法嘅殘暴行為，於是佢哋喺呢日佔領法國里昂Saint-Nizier教堂，目的係喚起社會對佢哋嘅關注。結果佔領行動嘅第8日，法國警方採取清場行動。呢次事件雖然就咁結束，但卻標誌住性工作者爭取權益嘅國際性行動開端。時至今日，每年嘅「國際妓女日」均會喺全球唔同嘅地方，舉辦大型嘅集會，而參加者均會手持紅傘，以喚起大眾對性工作者權益嘅關注。
啪啪啪最重要係激情四射，而要展現出當中嘅激情，莫過於夠快、夠力度同夠勁嘅活塞運動，「Snow Day Sex」卻係恰好相反，事關佢係指喺冰天雪地嘅日子中，因為男女都凍到唔願郁動，所以啪啪啪時節奏相當慢。不過，大家唔好以為慢就一定無癮，皆因慢動作啪啪啪雙方仍然可以達到高潮。
話說回來，喺天寒地凍嘅日子，唔少人情願瞓覺都唔想做床上運動，但係美國有研究發現，事實上係啱啱相反，相對炎熱嘅天氣嚟講，喺寒冷天氣下願意啪啪啪嘅人多出2倍，而喺一眾受訪者中，有百分之三十五嘅人會因天氣熱而拒絕交歡，只有百分之十九嘅人會因為太凍而拒絕上床。有生物學家更稱，夏天男士嘅精子質量唔高，而晝長夜短嘅日子亦會影響女性卵巢功能，因此冬天啪啪啪嘅話可提升受孕機會。
美國四仔片廠鍾意惡搞人氣電影，變成四級情慾戲，一來食住個勢做噱頭，二來可以畀到四仔迷新鮮感，好似呢套由Pleasure Dynasty喺2011年11月推出嘅《Training Day: A Pleasure Dynasty Parody》，就係惡搞電影《Training Day》。由著名四仔導演Rob Black執導，搵嚟黑妹Nyomi Banxxx及天后脫星Chanel Preston聯合主演，四仔封面抄足原作，但係內容卻鹹濕好多。故事講述資深女偵探Nyomi Banxxx，為咗喺24小時內偵破一宗黑幫犯罪案件，聯同新丁Chanel Preston以色誘換取線索嘅非常手段破案。最初Chanel並唔接受呢種做法，後來見到Nyomi慾望同線索兩兼得，結果蠢蠢欲動。呢部四仔喺2013年嘅AVN頒獎禮獲得最佳全女班性愛場面、最佳惡搞作及最佳剪接提名。
至於Chanel Preston嘅來頭確實唔小，2010年出道嘅佢，同年喺NightMoves頒獎禮獲得最佳新進脫星獎，翌年更獲得年度最佳脫星獎，之後佢喺各大四仔頒獎禮獲獎無數，足見實力強勁。
有外國網站指男人平均每28分鐘就出現一次性幻想，但係咪真就只有自己至知，只知道為滿足男士性幻想嘅日本AV，有眾多題材滿足男士日常性幻想，好似《幸運日程》AV系列就係其中之一。AV片廠Prestige喺2017年10月推出頭炮作《鈴村愛里 幸運日程 可以幻想的所有色情事情都能在現實中發生》，由專屬女優鈴村愛里演出。話明係為滿足男士性幻想，故事內容梗係貼近現實中嘅妄想，當中分為7個單元故事，分別係混浴溫泉發生嘅艷遇、因落雨與濕透身嘅美少女相遇、唔小心扯爛條裙嘅女護理員、被從樓梯碌落嚟嘅美少女騎住等。其後嘅作品亦貫徹呢種風格，並先後搵嚟園田美櫻、彩美旬果、結牧菜、愛音麻莉愛等AV女優演出，而喺上個月最新推出第6部系列作，就搵嚟長谷川留衣擔綱演出。呢個系列嘅另一個特色，就係演出嘅女優個個都係90後嘅索女，配合千變萬化又充滿色氣嘅故事，絕對係令男士們超滿足嘅AV作品。
撰文：魂