對於牙齒唔整齊嘅人嚟講，矯正牙齒相當重要，呢個時候梗係要搵牙醫啦！講到牙醫，喺日本有位美女牙醫竟然走去拍寫真，又有位牙醫助理走去做AV女優，仲有間風俗店以齒科主題作招徠，唔知大家有冇興趣呢？
喺AV中，由索爆嘅女優穿着制服扮演女牙醫，引嚟唔少男士幫襯，為咗一親香澤，個個排晒隊去洗牙，認真搞笑！而喺現實中，又有冇咁索嘅女牙醫呢？唔係講笑，真係有呀！佢就係喺1975年10月5日於名古屋出生嘅中田彩，佢唔單止貌美如花，仲有一副火辣身材，既然有好嘢就梗係唔好收收埋埋，於是佢喺2009年5月推出寫真集《off-white》，讓大家見識一下性感美艷女牙醫嘅魅力，及後2014年8月推出第二本寫真集《我，懷孕了》（私、妊娠しました），大住肚嘅佢更嚟個露肉度極高嘅演出。不過有人卻懷疑中田彩嘅牙醫身份，事實上，出生於牙醫世家嘅佢，於愛知學院大學齒學部畢業，2001年4月喺日本齒科大學附屬醫院做牙醫，間中出席電視台嘅醫學節目，所以中田彩絕對係一位既有外在美又有內涵嘅迷人女牙醫。
講到牙齒最靚嘅日本寫真女優，非長澤茉里奈莫屬，而佢之所以人氣咁高嘅原因，的確係同個「齒」字有關，唔係話佢講嘢有口齒，皆因佢係個「偽幼齒」呀！若然唔講阿妹幾多歲嘅話，大家又估唔估到佢今年已經22歲呢？2013年長澤茉里奈以女團成員身份出道，憑住萌味十足嘅蘿莉外形而備受注目。不過讓大家見識到佢偽幼齒嘅魅力，卻要數喺2016年9月推出首本寫真集《20歲的約定》（20歳の約束），貌似十幾歲嘅佢，個樣真係呃得到人，但係上圍卻有31F，分量十足，充分展現出乜嘢至係真正嘅童顏巨乳。喺寫真集中，以水着、內衣等造型展示偽幼齒嘅青春氣息之餘，當然唔少得狂騷深溝啦！
寫真界有女牙醫又有偽幼齒，咁AV界又有冇呢？當然有啦！佢就係喺1997年12月25日於日本出生嘅榮川乃亞。話說2016年AV片廠Candy嘅星探喺一間牙科診所發現到氣質斯文嘅牙醫助理美女榮川乃亞，因此星探即時游說阿妹下海，經過長達4個月嘅時間，終於答應演出AV，以藝名「榮川乃亞」出道，並推出處女作《AV女優》。雖然榮川乃亞身材並唔係特別標青，但憑住可愛蘿莉系嘅形象而深得AV迷嘅歡心，此外阿妹演出AV嘅同時又主持網絡節目，人氣高企。而喺今屆Sky PerfecTV成人放送大賞中，榮川乃亞獲得新人女優獎，足以證明呢位從牙醫助理變身成AV女優嘅索女幾咁有魅力。
日本有唔少千奇百怪主題嘅風俗店，既然係咁，又點會冇以齒科護理人員為主題呢？呢間位於涉谷嘅M性感出張風俗店「不行啊 齒科衞生士」之所以咁出名，在於佢係一間二次元嘅風俗店，店內嘅風俗孃冇相又冇樣睇，個個以美少女圖像代替，仲有位名叫及川鈴子（及川レイコ）嘅漫畫美少女代言人添！據稱佢係時間嘅掌控者，鍾意化身成S女王調教男人，而每位想入店嘅男士都要留意4點，就係佢擁有非凡嘅調教傳承技術、能令肉體及大腦同時產生快感、要抑制本番嘅衝動同埋絕對要忍耐！由於佢講到神神秘秘，只知道風俗孃會着住套齒科護理員制服提供服務，故此大受客人歡迎，喺日本風俗界有相當高嘅人氣。
據日本大阪大學嘅瀨村教授稱喺二次大戰期間，因為唔少日本男性嘅牙齒唔整齊，未能咬緊戰機嘅氧氣面罩，結果喺選拔飛行員時有一半被淘汰，從而令戰力大損，因此牙齒整齊相當重要。為咗宣傳牙齒矯正嘅重要性，等日本民眾知道要保持整齊嘅牙齒，故於每年嘅4月2日制訂為「齒列矯正日」。點解要揀呢日呢？因為日語中，「4」同「2」分別係「齒」同「列」嘅諧音，而齒列即齊齒並列，亦即牙齒整齊嘅意思。話說回來，家陣唔少藝人棚牙都係唔整齊，專家究其原因有兩個，一種係覺得亂牙更可愛，例如八重齒，另一個原因則係矯牙價錢貴。
撰文：魂