日本唔少成人漫畫雜誌嘅封面，都會搵嚟著名插畫師或漫畫家執筆，讓讀者有追睇嘅興趣，同時又可以提升收藏價值，而要數最被日本成人漫畫迷視為就算唔睇雜誌內容，都一定要收藏嘅成漫雜誌，必然係由著名插畫師深崎暮人主理封面嘅《COMIC阿吽》。畫風優美而筆下女角色外形討好兼擁有巨乳，上述種種原因令深崎暮人獲得極高人氣，而今次登場嘅呢位兔女郎吹石花，就係《COMIC阿吽》2017年10月號嘅封面女郎。出自深崎暮人手筆嘅吹石花，原作有幾吸引唔使多講，至於模型化後又能否保持原作嘅水準呢？為咗能夠忠實保留原作神髓，今次由著名模型原型師Hiro親自操刀，令吹石花嘅樣貌逼真地呈現，模型嘅細節位更係值得留意，事關身上兩條金屬鏈不但做工細緻，短裙側邊嘅綁帶更係極之像真，不得不佩服Hiro親嘅功力。