俗語有話「薑係老嘅辣」，只係講到夠唔夠薑，卻唔係年紀大嘅專利，一啲刺激嘅情慾玩法，更係不分年齡都樂在其中。不過大家又知唔知原來喺英文嘅情慾俚語及AV中，有唔少跟薑及Ginger有關嘅人同作品呢？如果想了解多啲嘅話，就要留意今次嘅介紹喇！
中文「薑」係一個名詞，但係英文中嘅「Ginger」不但可以作動詞，喺情慾字典中用上呢個動詞，即係「Gingered」嘅話卻有另一番意思。原來「Gingered」係用嚟形容男女喺曳曳時，男士為站立嘅女伴吹口琴，當吹到女伴慾火高漲時，泉水大量滲出，因為站立嘅緣故，而滴到男伴嘅頭髮或鬍鬚上，事後男方發現毛髮上沾有泉水時，便會稱呢種行為做「Gingered」。例句：My girlfriend gingered me last night and I forgot to take a shower.（我女友尋晚啲泉水滴喺我嘅頭髮上，但我卻唔記得去沖涼。）提起泉水，呢種曾被喻為「謎一樣的液體」嘅女性分泌物，當中嘅成分有啲乜呢？其實佢嘅主要成分係水、鹽、糖、鈣等微元素，仲有小量嘅黏蛋白，酸鹼度為弱酸性，並具有潤滑同殺菌嘅作用。
喺解釋「Ginger Sex」之前，先要講明，呢個詞語同英國通俗文化中嘅「Ginger」並無關係。喺英國嘅通俗文化中，用「Ginger」嚟形容長有紅髮嘅人，當中暗指對方脾氣火爆，難以控制自己嘅情緒，因此係個貶義詞。至於「Ginger Sex」嘅意思，卻係指留有長長鬍鬚嘅男士，同一位唇上有相當濃密汗毛嘅女性交歡。有人便揶揄由於兩人嘅外形有啲相近關係，喺啪啪啪時分唔清邊個係男邊個係女，故此用「Ginger Sex」嚟嘲笑佢哋，所以亦係個貶義詞。講開「Ginger」呢個名詞，其實喺以前嘅澳洲性交易文化中，亦會用「Ginger」或「Ginger-girl」嚟形容一啲專門呃遊客或偷取遊客財物嘅妓女，不過大家要留意，今時今日已經唔再用呢個詞語喇！
喺美國四仔界中，有乜嘢「薑」多年嚟都令一眾四仔迷心掛掛呢？佢就係天后級脫星Ginger Lynn喇，佢演出嘅四仔《Blame It On Ginger》至今仍令人津津樂道，成為經典之作。呢套喺1986年推出嘅作品，由人氣導演Henri Pachard執導，搵嚟當年冒起得極快嘅Ginger Lynn演出。呢位喺1962年12月14日於美國伊利諾州出生嘅脫星，當年只係24歲嘅佢絕對係風華正茂，加上超級淫亂嘅演出，喺1987年AVN頒獎禮上獲得最佳年度四仔影帶獎項，2005年更被AVN評為美國四仔史上最佳500套作品之一。故事講述兩個3人家庭一齊去旅行，跟住兩個家庭嘅3男3女嚟個情慾大兜亂。
Ginger Lynn喺美國四仔界嘅地位相當高，於1982年出道嘅佢，分別喺1984年及1985年奪得XCRO及AVN頒獎禮最佳新進脫星獎，1995年入選XCRO名人堂，2002年入選AVN名人堂，而喺2007年更入埋NightMoves名人堂添，認真厲害！
年輕貌美嘅AV女優固然吸引，但係熟齡女優唔單止多咗股女人味，佢哋床上拚搏嘅表現，一啲都唔比嫩口女優差，好似喺1979年3月24日於日本京都出生嘅水原梨花咁，真係愈老愈辣兼愈多人鍾意！身高170cm嘅佢，樣靚迷人，34F-23-33嘅三圍更係出眾，因此佢曾經做過時裝模特兒。2015年9月以AV片廠Madonna專屬女優身份出道，演出處女作《1000年一遇的人妻 現役時裝模特兒初脫AV Debut 4本番》。若然唔知佢嘅資料，真係唔知狀態極佳嘅佢當時已經36歲，難怪被Madonna咁有信心以「千年一遇」嚟形容。而憑住迷人嘅熟女風情，以及床上落力嘅精彩演出，喺AV Open頒獎禮成功奪得「熟女部門獎賞」嘅冠軍。
另一方面，如果有留意日本AV界嘅話，會知道若然女優初出道就作本番演出，即使聲勢有幾勁，都好難喺AV界有長遠發展。不過隨住水原梨花嘅年紀愈大，熟女味變得更濃，呢位老薑人氣愈勁，唔單止作品長拍長有，2016年11月更過檔到另一AV廠Attackers發展成為專屬女優。
撰文：魂