有人提倡慢活，即係將生活節奏放慢，唔使成日都趕頭趕命，據講呢種慢活可以幫人協調身心，壽命都會長啲。而日本寫真女郎演出映像作品，其實亦應該以慢為主，如果成日都好似跳豆一樣彈來彈去，係就係幾刺激，但係就唔能夠讓觀眾清楚咁欣賞得到其驕人胴體，而小瀬田麻由呢位被稱為「奇迹之Body」嘅優質寫真女神就最令人醒神喇，皆因佢喺演出當中動作夠晒溫柔細膩。
小瀬田麻由青春甜美，除咗擁有一副正統派迷人美貌，更加有一副被稱為「奇迹之Body」嘅極品胴體，身材纖巧，上圍對純天然F奶又夠晒飽滿同充滿彈性，喺日本寫真界可以話享負盛名，不過由於小瀬田麻由忙於為所屬團體「上野熊貓島比堅尼」四出登台演出，所以相隔咗一年零四個月至推出今次呢部寫真映像作品《Graceful》。雖然咁耐冇拍寫真，但係從作品當中可以見到小瀬田麻由身材一樣咁弗咁火辣，仲換上多款超性感比堅尼，甚至係嚟個裸背露側乳演出，畀大家清楚欣賞到呢副「奇迹之Body」。另外，麻由亦會換上超Deep V體操服表演柔軟體操及絲帶舞，動作緩慢而細膩，觀眾可以慢慢欣賞其雙峰隨動作而改變形態，麻由亦會喺沙灘、泳池嚟個濕身演出，以濕潤嘅巨乳誘惑人心。
碟名：《Graceful》
收錄時間：70分鐘
售價：約HK$307
撰文：賢