天要下雨，娘要嫁人，今年有好多AV女優要走人呀！2018年頭一季未過去就有好多女優引退，相信咁多間AV廠當中以Prestige最受影響喇！早前擁有G Cup美巨乳嘅天后級女優彩美旬果宣告同P廠結束5年多嘅賓主關係，暫時未知彩美旬果到底係會引退定係轉投其他AV廠，但係對於一直靠晒彩美旬果食胡嘅P廠嚟講，絕對係一個重大損失。然而，壞消息陸續有來，被喻為彩美旬果接班人嘅可愛小惡魔長谷川留衣最近亦表示引退！
喺2015年下海拍AV嘅長谷川留衣今年24歲，一直效力P廠，個樣生得可愛純真，同師姐彩美旬果確係有幾分相似，但係演出風格就不同於旬果嘅狂野，留衣溫柔體貼，喺床上表現出利落嘅技巧，場面精彩悅目。據講留衣嘅引退消息來得好突然，阿妹表示決定引退已經有好一段日子，最近先鼓起勇氣向公司提出並且得到接納，至於點解要引退呢？留衣話答案等大家喺其引退紀念作品《長谷川るい完全引退》親自了解喎！
P廠接連失去兩員猛將，情況真係令人擔心，好彩專屬女優陣容仲有園田美櫻、里美由莉亞、吉川蓮、鈴村愛里等，最近亦搵嚟河合明日菜、春咲涼、有村希三位新人幫手，希望P廠可以繼續保持良好發展，亦希望長谷川留衣引退後生活愉快啦！
撰文：賢