囡囡擁有靚股，男人梗係鍾意啦，好似日本寫真界靚股之霸戶田玲就係最佳例子。之不過阿妹有苦自己知，因為成日都要向鏡頭趷高屁股，結果搞到腰痠背痛。冇辦法啦！鬼叫阿妹你個屁股生得咁誘人，令個個都想感受箇中誘惑咩！
一個人冇用固然會被人指指點點，但係一個人實在太有用的話，就分分鐘因為老闆委以重任，又或者係恩客過多而做到幾乎斷氣，好似情色電影《豪情》入面嘅趙啷啷咁，就係因為精通冰火之道而大受客人歡迎，頻頻接客，而每個客人都要求佢表演冰火口技，結果搞到出現牙關過勞問題！類似嘅情況亦出現喺日本寫真女優戶田玲身上，不過佢唔係賣口技，而係出賣屁股之美！
戶田玲今年31歲，樣貌比起剛出道時更加迷人，以前嘅玲妹黑黑瘦瘦，成隻馬拉雞咁唔多討好，但係家陣肌膚又白又滑又水潤，標致嘅面孔散發出攝人嘅輕熟風韻，難怪唔少人認錯佢係寫真界美人山崎真實喇！無獨有偶，兩人嘅身材都有啲相似，就係大家都胴體纖巧而上圍有對D奶，然而玲妹較優勝之處在於擁有一個又圓又挺又飽滿嘅極品靚股！
戶田玲喺2009年參加選美活動「Miss Mabage」並獲得亞軍以及最上鏡獎而廣為人所熟悉，曾演出過電視節目，亦拍過電影如《戰極 Bloody Agent》等，不過一路以來玲妹嘅演藝事業都係冇乜大起落，直至近年才人氣上升，上年更推出第一本個人寫真集《Trente》，總算為寫真女郎生涯寫下重要一頁。
講到戶田玲嘅身世真係幾傳奇，佢出生於大富之家，爸爸經營一個每年收入達到10億日圓嘅企業，細個嘅時候住大屋同坐靚車，後來家道中落，公司負債8億日圓，生活即時由天堂變成地獄，喺呢段日子玲妹窮到喺學校偷飼養籠入面嘅兔糧嚟食，好彩冇食物中毒咋陰功！另外，戶田玲亦試過同朋友去咖啡店唔敢叫嘢飲，只係用自己帶嚟嘅即溶咖啡粉沖咖啡嚟飲。由於經過一段貧苦日子，戶田玲話自己家陣幾時都要靠自己雙手搵食，所以就算攝影師要求佢不停趷起個股拍攝，搞到佢腰痠背痛亦咬緊牙關撐過去！戶田玲嘅工作態度絕對值得年輕人學習呀！
簡介：最近戶田玲偷得浮生半日閒，飛咗去澳洲旅行，大家Click上其twitter就可以睇到玲妹喺當地玩過乜同食過乜喇！
網址：https://twitter.com/toda_rei?lang=ja
年齡：31歲
身高：5呎4吋
三圍：33-23-35
撰文：賢