人生有幾多個十年？日本AV女優又有幾多個可以活躍足足十年呢？以前就冇幾多個，因為大部分女優嘅演出生涯只係得兩三年，但係家陣就唔同晒，因為現代女性深諳保養之道，大部分都能夠保持活力十足，而且明艷照人，甚至愈來愈靚添，好似AV天后吉澤明步、風間由美、白石麻妃就係好例子啦！除咗佢哋之外，仲有花蕾、希崎謝茜嘉以及Hitomi，三位頂級女優早前就齊齊出席AV迷聚會「Cazifes Vol.5」，主題係慶祝出道10周年。三位女優當中，花蕾出道咗11年，至於希崎謝茜嘉同Hitomi今年剛好出道10年，原本活動仲有同樣出道10周年嘅「平成生之巨乳怪物」佐山愛，但係愛妹因為身體不適而臨時缺席。活動開始時，三位女優互笠高帽，O奶波霸Hitomi大讚花蕾十分可愛，仲話花蕾擁有嘅優點正係自己所欠缺嘅，至於花蕾亦回敬Hitomi，讚佢全身都籠罩住性感光環，而謝茜嘉就話初時以為Hitomi好囂張，但係呢次活動上就覺得同Hitomi好傾得埋，非常好相與。
之後，主持同三位女優研究吓呢10年來嘅轉變，首先主持話花蕾相當厲害，AV作品產量持續上升，花蕾笑住回答話出道6年時已經拍咗1,000部AV咁多，家陣身為AV廠Moodyz及WANZ嘅雙重專屬女優，想拍少啲都唔得添呀！雖然花蕾呢番話令人側目，但係我相信花蕾係冇心晒命嘅！至於希崎謝茜嘉被主持問到佢曾經先後兩度神秘失蹤，點解呢？謝茜嘉語重深長咁話喺2009年拍AV嘅時候同一個口腔污糟嘅男優接吻，搞到嘴唇腫晒唔靚女，所以唔敢出街，而喺2012年因為太多工作搞到身心疲憊，所以決定暫停工作休息。講到Hitomi嘅發展方面，頭一兩年都係麻麻哋，自從2009年去到美國為巨乳系雜誌《Batchelor》拍寫真，再喺2012年及2013年連續兩年被雜誌選為「年度最佳模特兒」之後，AV片約就愈來愈多。最後三位女優開始玩遊戲，首先用身體語言去表達自己嘅愛意，然後就進行辣辣章魚丸陷阱，睇吓邊個女優咁唔好彩喺一大盆章魚丸當中，揀到一粒勁辣章魚丸嚟食，結果謝茜嘉不幸中招，從佢雙眼標晒淚水睇嚟，粒章魚丸真係好辣喎！
撰文：賢