巨乳定貧乳更加吸引？底褲加女體又夠唔夠誘人？最近日本有插畫家以一幅漫畫圖道盡巨乳女性嘅煩惱，不但引起網民熱議，同時引起貧乳女性嘅分享。另外，「Cosplay寫真界之神」齋藤零央又有新作推出，不過今次係一本作為漫畫家嘅參考書而唔係寫真集，但係當中嘅相片非常誘人，似乎唔係參考書咁簡單！
當大家見到呢本書嘅封面時，係咪覺得好誘人呢？事關佢充滿各種令男士爆發妄想嘅元素，美體、美股加底褲，絕對係挑戰大家心跳極限之作！不過唔好以為佢係一本寫真集，查實呢本書名叫做《內褲專門姿勢集》，係畀漫畫家同插畫家睇住嚟練習畫技，畫出更加逼真同富有質感嘅漫畫。此外，呢本書嘅來頭一啲都唔細，出自擁有「Cosplay寫真界之神」及「尻王」美譽嘅日本著名攝影師齋藤零央嘅作品，絕對係品質嘅保證。正如書名一樣，內容全部都係同底褲有關，並且透過唔同角度展現出底褲嘅形態，從半脫狀態到透明櫈透視底褲都有。話說回來，有乜嘢漫畫作品需要從透明櫈透視出底褲呢？呢本書極具觀賞性，如果想買嚟珍藏嘅話，就要留意4月7日喺日本公開發售啦！
如果硬係要男士喺巨乳同貧乳之間選擇嘅話，相信選擇巨乳女作為女友嘅一定係佔多數，而對於女士嚟講，巨乳令佢哋有好多煩惱。日本插畫家西沢先生就用咗一幅圖道盡擁有巨乳身材女性嘅優點同缺點。喺圖中見到巨乳女性可以將巨乳放喺枱上，或者將物品放喺巨乳上面，好方便。至於缺點方面卻有好多，包括經常被其他人毛手毛腳搓波仔、因為巨乳搖晃時會好痛而唔想跑步、好少適合巨乳穿戴嘅萌系胸圍、大尺碼嘅胸圍價錢較貴、着連身裙似孕婦、着恤衫胸部衫鈕會爆開、胸部太重令肩頸痠痛、經常忍受被男士(目及)實心口嘅尷尬等等。圖畫上載後，不但引嚟日本網民熱烈討論，同時引嚟貧乳女性爭相分享佢哋嘅心事，例如可以毫無阻力做運動、視自己做男性嘅男性朋友較多等。睇嚟不論巨乳定貧乳女性，各自都有自己先至明嘅事。
綜藝節目嘅主持同嘉賓為咗搞氣氛，好多時都會語出驚人，博取觀眾一笑，而觀眾都係笑完就算，不過對於日本搞笑藝人遠藤章造嚟講，卻估唔到自己喺節目中一句說話，竟然成為AV女優篠田優抽水嘅題材。話說遠藤章造喺一個綜藝節目上，被主持問到佢鍾唔鍾意睇AV時，佢口快快答咗最愛睇《親愛的，原諒我》呢個人妻系列，點知呢句說話竟然被一間AV影碟店抽水，成為由篠田優主演嘅《親愛的，原諒我吧……再會被淫亂謊言弄得濕濕2》宣傳語句。本來呢個僅限於喺店內出示嘅廣告冇乜人會留意到，點知不但被篠田優發現，更喺個人Twitter上進行轉貼宣傳，須知道篠田優嘅Twitter有超過11萬個Followers，結果遠藤章造鍾意睇人妻AV系列嘅癖好就傳遍日本網絡。有日本網民稱遠藤章造可能係照稿讀，不過有更多網民認為篠田優同AV影碟店唔算老屈遠藤章造，因為若然佢冇睇過嘅話，又點會知道有呢個系列呢？
撰文：魂