家陣好多電影都貪心到不得了，為咗吸引票房收益將各種商業元素都死塞硬塞入電影當中，搞到電影好似東拼西湊一樣，唔得完整同融和，觀眾當然覺得觀感欠佳啦！好似板野友美呢本最新寫真集咁簡簡單單，踏踏實實咁表現最自然一面，咪夠順眼囉！板野友美喺2005年成為知名美少女團體AKB48第一代成員，由於歌藝佳加上氣質俏麗迷人，經常喺選拔活動當中脫穎而出，可以話係AKB48中最具人氣嘅成員之一。自從脫離AKB48呢個大家庭，友美除咗推出好多個人單曲，近期亦向影視界發展，而友美樣靚身材正，梗係唔會放過出寫真集嘅機會啦！