每個男人總有情竇初開嘅時候，而呢個時候所睇嘅戀愛題材動漫，總會令人印象深刻，好似喺2002年1月播放嘅《星空的邂逅》，男女主角草薙桂同風見瑞穗之間嘅愛情故事，至今仍然牽動唔少男士嘅心，尤其係女主角風見瑞穗斯文大方加女人味濃嘅形象，配合埋前凸後趷嘅身材，成為唔少男士嘅女神。轉眼間至今已經16年，為咗慶祝16年周年紀念，日本模型廠Uunion Creative推出風見瑞穗嘅紀念模型。今次風見瑞穗以相當養眼嘅造型登場，其造型設定係風見瑞穗某日如常過住休閒生活為主題，身穿白色恤衫，而下身則只穿內褲加絲帶。大家留意佢件恤衫，便會發現當中露出迷人事業線，胸前更係若隱若現地呈現出兩粒迷暈釘。若然從後面睇嘅話，更會發現露出白滑美股，極具挑逗意味。另一方面，不得不讚原型師嘅用心設計，事關模型嘅配件相當多，除咗附上可愛嘅宇宙生物同禮物盒座台外，仲有風見瑞穗最愛食嘅「POCKY巧克力棒」添！