學食神話齋：「三級片女星都要靠隆胸嚟取悅觀眾！」男人不期然受到「胸前偉大」嘅女星所吸引亦係不爭嘅事實，所以好多女星都好大方咁谷出事業線畀大家睇，甚至不惜隆胸。日本寫真界新貴☆HOSHINO就被人懷疑打假波，不過佢一於好少理，因為家陣挺起G奶成功突圍！
日本好多樂壇組合盛產寫真女郎，好似AKB48、SKE48咁，好多成員離隊後作單飛發展，第一步就係進軍寫真界，以美色爭取人氣。除咗乜乜48之外，唔少優質寫真妹都出身自「仮面女子」組合，好似人氣爆燈嘅I奶天木純以及神谷惠里奈就係好例子，至於上年正式加入寫真界發展嘅☆HOSHINO就係佢哋嘅師妹喇！
23歲嘅☆HOSHINO生得一副標致面孔，青春氣息與俏麗秀色混合於面上，笑起上嚟仲嘴角含春咁款，相當討人歡喜。☆HOSHINO仲擁有一副火辣胴體，肌膚嫩白且充滿透明感，仲極具線條美，脹卜卜嘅G奶以及又圓又翹嘅美股絕對係男人嘅最愛，又因為阿妹肉地夠彈性，故有「健康之巨乳」嘅稱號。不過呢對健康巨乳就備受質疑，事關有人懷疑阿妹係經過後期加工先有咁好波！唔知大家又點睇呢？
大家見到☆HOSHINO個名應該會同小弟一樣覺得奇奇怪怪，而阿妹表示改呢個咁特別嘅名係為咗提升注目度，因為以前嘅藝名實在太普通喇！咁又係嘅，阿妹喺2012年出道成為美少女組合「吉本寫真軍團」嘅成員，當時佢名叫星野惠，呢個名又的確係好Common喎！後來阿妹改名叫星野愛美，並且由「吉本寫真軍團」轉投到知名女子組合「仮面女子」發展。之但係星野愛美呢個名一樣係咁普通，加上佢嘅身材唔突出，因而無法突圍。
經過兩年沉寂嘅日子，阿妹改用現時呢個藝名發展，同時上圍突然再發育成為G奶，憑住呢對突出雙峰成功惹人注目！好多人見到阿妹有咁明顯嘅轉變，不禁懷疑佢進行過隆胸手術，但係阿妹就解釋離開藝能界之後因為暴飲暴食，結果令上圍增大咗4吋咁多！信唔信就由閣下決定喇！好多人關心☆HOSHINO個胸之外，亦有好多人關心佢有冇男朋友，阿妹話暫時未有拍拖，想搵一個好似熊咁大隻以及有強大包容力嘅男人，其實呢種男人應該唔難搵喎，小弟咪係呢類型囉！
年齡：23
身高：5呎3吋
三圍：35G-24-33
簡介：☆HOSHINO現時全力發展寫真事業，從其Twitter當中就可以知道佢頻頻參與拍攝工作大騷激凸身材，Click入去睇一定大飽眼福。
網址：https://twitter.com/hoshino_world
撰文：賢