近期好多人都會參與眾籌項目，而日本AV女優亦不例外，好似魔性之女里美由莉亞早前就透露眾籌網站，向大家籌募資金創立個人內衣品牌「Greedy」，經過一段日子之後終於達標，由莉亞現正忙於創業。除咗由莉亞之外，亦有一位女優早前進行眾籌拍寫真集，佢就係SOD專屬女優戶田真琴。同由莉亞一樣，真琴獲得好多有心人支持，唔單止成功達到250萬日圓嘅資金目標，最終集資額更高達541萬日圓添！有充足資金，真琴搵來攝影師福島裕二拍寫真，而寫真集《The light always says.》亦已經推出市面。此外，真琴早前仲夥拍福島裕二喺涉谷Le Deco畫廊舉行寫真展，當中展出嘅寫真照達到700張咁多添！真琴表示能夠完成呢本寫真集以及展覽，實在要多謝支持者出錢幫助，仲話希望大家可以從寫真集當中感受到真琴融入寫真照嘅愛情添。另外，真琴亦表示自己第一次拍AV嘅時候緊張到笑唔出，但係今次能夠成功製作屬於自己嘅寫真集實在太開心，終於可以流露出最自然及發自內心嘅純潔笑容，希望以呢種治愈力十足嘅笑容令大家生活愉快。