點樣激發男人嘅色心？最易嘅方法就係玩色誘，露乳溝同露底固然睇到男人流晒口水，加埋索女嘅話肯定冇得輸。早前日本有深夜節目搵嚟水着女優同八爪魚一齊表演，雖然唔知為乜咁做，但係睇到八爪魚嘅觸手喺女優身上爬嚟爬去，唔知點解會有硬直嘅衝動囉！
軟體動物嘅觸鬚，日本人稱為「觸手」，向來係日本情色文化嘅一部分，有日本文化研究學者認為，觸手之所以成為日本情色文化嘅一部分，源自江戶時代後期浮世繪大師葛飾北齋的《章魚與海女圖》。不過姑勿論如何，對日本人嚟講，觸手帶畀佢哋唔少嘅幻想。日本略帶鹹味嘅深夜電視節目《佳代子の部屋～真夜中のゲームパーティー～》，早前請嚟擁有D Cup嘅寫真女優小日向結衣做表演嘉賓，喺浴缸中一邊玩手機遊戲一邊畀隻生猛八爪魚喺身上爬嚟爬去。呢隻八爪魚都幾鹹濕，一嘢就爬到去結衣嘅心口度停低，繼而觸手喺巨乳上抓嚟抓去，加上攝影師嘅細緻拍攝，視覺刺激簡直達到AV「觸手Play」嘅水平呀！隨住八爪魚愈爬愈高，結衣嘅反應就愈尷尬，於是佢將八爪魚擺喺下半身，結果八爪魚嘅觸手喺佢條泳褲上左掹右抓，畫面真係勁噴鼻血！結衣唔單止身材火辣，喺最新嘅寫真集《股間之女王》中，更有唔少香艷甫士，加埋今次同八爪魚嘅演出，「股間女王」之名確係實至名歸。
世界級嘅名車唔少人都識，只係講到AV界嘅名車，唔知大家又知唔知呢？佢就係嚟自日本AV片廠SOD嘅流動攝影棚「Magic Mirror號」（マジックミラー號）。「Magic Mirror號」簡稱MM號，又稱魔鏡一號，由貨車改裝而成，最大嘅特色係車廂以單向玻璃製成，AV女優喺車廂內跟男優玩車震，外面嘅路人係完全睇唔到車廂內嘅香艷場面。不過大家又知唔知呢架AV名車係點樣出現嘅呢？前SOD導演久保直樹早前喺一個電視節目上爆料，係由SOD嘅成立人高橋雅也度出嚟嘅，話說當年仍喺電視台工作嘅高橋雅也為一個綜藝節目設計咗一個單向玻璃箱，安排剝剩底褲嘅藝人先匿入箱內，然後連人帶箱放喺路邊，再突然走出嚟嚇途人。其後高橋雅人將呢條橋用喺拍AV上，不但成為一種新鮮嘅題材，同時更減少兜搭路人演出AV嘅難度。原來以前搵路人拍AV，成功搭訕後就會轉到酒店拍攝，但經常喺途中路人就會反口唔拍，而家陣兜搭路人上車即刻開波，除咗減少佢哋反口嘅機會，仲減低埋佢哋嘅戒心。據久保直樹稱，保守估計「Magic Mirror號」至今已成功搭訕超過1,000人！
索女雖然係誘人，只係想名正言順玩色誘嘅話，就要識得搵啱天時同地利，好似日本人氣索爆Cosplayer赤木黑（赤木クロ），唔單止識得搵地方晒靚樣同身材，仲識得點樣令自己睇起嚟更有魅力。話說佢早前參加以人氣網頁遊戲《艦隊Collection-艦Colle-》為主題嘅第35屆同人展，化身成艦娘「濱風」嘅佢，唔單止以萌度極高嘅水着少女造型登場，配上黑絲襪，更令睇頭大增。不過養眼位唔單止係咁，事關佢仲拎住部手機玩自拍，擺出性感甫士之餘，仲要露臀又露底，睇到在場男士血脈沸騰。點解佢去得咁盡？皆因佢同場賣緊自己嘅寫真集，梗係要落力啲啦！話說回來，其實赤木黑對腳真係唔錯，而鍾情黑絲襪嘅佢亦經常喺網上大派福利，咁識得Sell自己，唔怪之得佢嘅人氣愈嚟愈高啦！
撰文：魂