最近又舉行女子格鬥比賽，請來女星、嫩模上擂台打餐飽，當然作為男觀眾都係想睇到班女選手打到趴低露奶，對於佢哋有冇技術只屬其次。咁又係！佢哋訓練得未必夠火候，打起上嚟確係似花拳繡腿，而喺日本就唔同，因為有一位寫真女郎除咗睇得，仲相當打得，佢就係高野人母美喇！
喺香港，大家想睇擂台格鬥唔係咁容易，不過喺日本就唔同講法，除咗有好多男子格鬥賽事，對於男士們嚟講更加係相當幸福，因為女子格鬥賽一樣相當多，而且呢類賽事經常邀請到索到爆燈嘅寫真女郎以及AV女優客串砌番幾場，好似經典級AV女優範田紗紗就成日喺女子摔角賽現身喇！然而，紗紗睇就睇得，講到打就差少少，真正屬於武藝與美麗兼備嘅，當然非高野人母美莫屬喇！
現年30歲嘅高野人母美樣子冷艷且帶野性，一睇就知佢屬於高傲難溝嗰種女，但係相信亦能夠勾起男士們嘅勇氣以及征服心態，誓向難度挑戰。人母美令男人意欲挑戰仲有其絕佳身材，身高5呎11吋，十分高挑，而且體脂肪率低於平均女性體脂肪率嘅百分之九，但係人母美絕對唔係高瘦平，上圍擁有一對堅挺D奶，好有睇頭！
見到高野人母美生得咁高又咁弗，而且冷艷迷人，相信大家都估到人母美除咗拍性感寫真之外，主要工作就係模特兒。冇錯！就讀高中嘅時候，人母美喺竹下通被星探發掘做寫真女優，高中畢業之後正式做全職模特兒，參加過好多國際性嘅時裝表演，2009年代表日本參加第4屆亞洲超級名模比賽，而當年對手實在太強，人母美與一同參加嘅另一位日本代表須川春輝並列第六名。
翌年人母美突然宣布參加業餘拳賽，不過佢咁做唔係話無迹可尋，其實佢喺初中時期對拳擊相當有興趣，並且開始學習泰拳添。人母美加入業餘拳賽成績令人慘不忍睹，4戰4敗認真肉酸，但係人母美鬥心不死，隨後加入職業拳手行列，積極練好身手，作為《北斗之拳》粉絲嘅人母美仲練埋男主角拳四郎嘅絕技「北斗百裂拳」，曾經成功挑戰9秒內擊出122下刺拳嘅驚人紀錄，有身手又有鬥心令人母美至今錄得13戰10勝3敗佳績，雖然上年10月人母美喺日本拳擊聯盟嘅次輕量級女子冠軍比賽輸咗，但係最近佢積極投入加強鍛煉，希望未來可以成功奪冠，鬥心強勁。
簡介：高野人母美近期雖然積極練拳，但係一得閒亦不忘享受人生，並且拍下自己性感嘅一面，所以Click入佢嘅Instagram絕對可以大飽眼福。
網址：https://www.instagram.com/tomomitakano7/
年齡：30歲
身高：5呎11吋
三圍：33D-23-33
撰文：賢