喺公司有番咁上下年資，退休或者轉工嘅時候，同事們都會為佢搞歡送會。而喺日本AV界，女優引退可大亦可小，有啲會無聲無息咁消失，但係有番咁上下分量或人緣好嘅女優，就會有一眾姊妹同粉絲齊齊替佢舉辦引退紀念會，就好似江上詩穗咁喇。江上詩穗喺2015年出道，以肉感身材以及自然順眼嘅演技而打響名堂，原本詩穗發展平穩向上，但係上年因為被父母發現佢拍AV，所以急急召佢返屋企，而詩穗提出一個讓步方案，表示完成手頭上嘅工作後便會引退，到時就會回到父母身邊。
早前詩穗宣布正式引退，AV界一班好姊妹包括淺田結梨、加藤樁、跡美珠里以及AV女監督真咲南朋齊齊為詩穗搞咗個大型引退會，等詩穗同班粉絲可以聚首一堂。當日為隆重其事，詩穗以一身和服Look登場，之後擔任司儀嘅女監督真咲南朋隨即向大家推介一下，由佢監製嘅詩穗引退作《AV女優失格》。推銷完引退作品之後，就進入一個相當有趣嘅問答環節，由真咲監督發問問題，4位女優作答，例如真咲監督問到家陣AV製作費縮皮，有咩影響到女優們呢？加藤樁就話對佢嘅最大影響係每次拍攝只係配給到一支500毫升嘅樽裝水，而詩穗就話佢覺得最大影響就係拍攝現場嘅監督、燈光師以及男優全部只得一名，工作人員人手唔夠，就會影響拍攝進度，二來男優得一個唔能夠滿足到佢喎！
女優們嘅對答成功引起全場爆笑，之後氣氛進一步推高，因為遊戲環節開始，女優們同真咲監督都要戴上計步器進行鬥快騎乘比賽，結果由加藤樁勝出，詩穗可能因為冇拍AV一段日子令騎功生疏咗，搞到成績排第尾，最後被罰表演自由舞步。去到尾聲，詩穗一邊流淚一邊感謝大家嘅支持，點知真咲監督同加藤樁突然向詩穗兜口兜面咁掟忌廉，仲話嫌佢嘅引退宣言太長好厭悶！不過詩穗唔單止冇嬲嬲豬，仲好專業咁擺出多個甫士畀大家影相添！
撰文：賢